National
ഉത്തരവുകള്‍ കളിക്കാനുള്ളതല്ല; യുവതീ പ്രവേശന വിധി നടപ്പാക്കണം: ജസ്റ്റിസ് നരിമാന്‍
ന്യൂഡല്‍ഹി :ശബരിമല വിഷയത്തില്‍ കൂടുതല്‍ പ്രതികരണവുമായി സുപ്രീം കോടതി ജസ്റ്റിസ് നരിമാന്‍. അഞ്ചംഗ ബെഞ്ചിന്റെ യുവതീ പ്രവേശന ഉത്തരവ് നടപ്പാക്കേണ്ടതാണെന്നും അത് കളിക്കാനുള്ളതല്ലെന്നും ജസ്റ്റിസ് നരിമാന്‍ പറഞ്ഞു. മറ്റൊരു കേസ് പരിഗണിക്കവെസോളിസിറ്റര്‍ ജനറല്‍ തുഷാര്‍ മേത്തയോടാണ് ഇക്കാര്യം പറഞ്ഞത്.
കര്‍ണാടക കോണ്‍ഗ്രസ്സ്നേതാവ് ഡികെ ശിവകുമാറിന്റെജാമ്യം റദ്ദാക്കണമെന്നാവശ്യപ്പെട്ട് എന്‍ഫോഴ്‌സ്‌മെന്റ്ഡയറക്ടറേറ്റ് നല്‍കിയ ഹരജിജസ്റ്റിസ് നരിമാന്റെ അധ്യക്ഷതയിലുള്ള ബെഞ്ച്പരിഗണനക്കെടുത്തപ്പോഴാണ് ജസ്റ്റിസ് നരിമാന്‍ ഇക്കാര്യം പറഞ്ഞത്. കോടതിയില്‍ ഹാജരായിരുന്ന സോളിസിറ്റര്‍ ജനറല്‍ തുഷാര്‍ മേത്തയോട് തങ്ങളുടെ ശബരിമല ഉത്തരവ് വായിച്ചു നോക്കാനും ജസ്റ്റിസ് നരിമാന്‍ നിര്‍ദേശിച്ചു. പരിഗണിക്കുന്ന കേസുമായി യാതൊരു ബന്ധവുമില്ലാത്ത കേസില്‍ ജസ്റ്റിസ് നരിമാന്‍ നടത്തിയ നിര്‍ദേശം തികച്ചും അസാധാരണമായ നടപടിയായാണ് നിയമ വിദഗ്ധര്‍ കാണുന്നത്.
ഞങ്ങളുടെ ഉത്തരവ് നിങ്ങളുടെ ഉദ്യോഗസ്ഥരോട് വായിച്ചു നോക്കാന്‍പറയൂ എന്നാണ്തുഷാര്‍ മേത്തയോട് ജസ്റ്റിസ് നരിമാന്‍പറഞ്ഞത്. ഞങ്ങളുടെ ഉത്തരവുകള്‍ കളിക്കാനുള്ളതല്ല എന്നും നരിമാന്‍ പറഞ്ഞു.
എന്നാല്‍ കോടതിയില്‍ ഹാജരായിരുന്നസോളിസിറ്റര്‍ ജനറല്‍ തുഷാര്‍ മേത്ത വിഷയത്തോട് പ്രതികരിക്കാന്‍ തയ്യാറായില്ല. കേസിനു ശേഷം സോളിസിറ്റര്‍ ജനറല്‍ കോടതിക്കു പുറത്ത് പോയപ്പോഴും പ്രതികരിച്ചില്ല.
ശബരിമലവിധി തടയാനുള്ള ശ്രമങ്ങള്‍ക്കെതിരേ കടുത്ത നടപടി സ്വീകരിക്കണമെന്ന് ഇന്നലെ നരിമാന്‍ ആവശ്യപ്പെട്ടിരുന്നു.
Latest
സ്റ്റേറ്റ്സൈഡ് ഗ്രൂപ് വിദ്യാഭ്യാസ പങ്കാളിത്ത പരിപാടികള്‍ പ്രഖ്യാപിച്ചു
മതനിരപേക്ഷ ജനാധിപത്യ സംവിധാനം ഇന്ത്യയില്‍ നിലനില്‍ക്കുമോയെന്ന് തീരുമാനിക്കുന്ന തിരഞ്ഞെടുപ്പാണ് ഇപ്പോള്‍ നടക്കുന്നത്; സീതാറാം യെച്ചൂരി
ഛത്തീസ്ഗഡില്‍ പോളിംഗ് ഡ്യൂട്ടിക്കിടെ ഗ്രനേഡ് പൊട്ടിത്തെറിച്ച് സിആര്‍പിഎഫ് ജവാന് പരുക്ക്
മംഗലാപുരം സ്വദേശിയെ മോങ്ങത്തെ കുളത്തില്‍ മരിച്ചനിലയില്‍ കണ്ടെത്തി
തിരഞ്ഞെടുപ്പ് റാലിക്കിടെ ബിജെപി സ്ഥാനാര്‍ഥി പള്ളിക്ക് നേരെ സാങ്കല്‍പ്പിക അമ്പ് തൊടുത്തു; വന്‍ പ്രതിഷേധം
നാവിക സേനയുടെ അടുത്ത മേധാവിയായി വൈസ് അഡ്മിറല്‍ ദിനേശ്കുമാര്‍ ത്രിപാഠിയെ നിയമിച്ചു
