Kerala
മാവോയിസ്റ്റ് കൊലപാതകം: സി പി ഐ സംഘം ഇന്ന് സംഭവസ്ഥലം സന്ദര്‍ശിക്കും
പാലക്കാട്: തണ്ടര്‍ ബോള്‍ട്ടിന്റെ വെടിവെപ്പില്‍ നാല് മാവോയിസ്റ്റുകള്‍ കൊല്ലപ്പെട്ട അട്ടപ്പാടിയിലെ മഞ്ചിക്കണ്ടി വനഭാഗത്ത് സി പി ഐ സംഘം ഇന്ന് സന്ദര്‍ശനം നടത്തും. പാര്‍ട്ടി അസിസ്റ്റന്റ് സെക്രട്ടറി പ്രകാശ് ബാബു, സംസ്ഥാന എക്‌സിക്യൂട്ടീവ് അംഗം പി പ്രസാദ്, എം എല്‍ എമാരായ ഇ കെ വിജയന്‍, മുഹമ്മദ് മുഹ്‌സിന്‍, പാലക്കാട് ജില്ലാ സെക്രട്ടറി സുരേഷ് രാജ് എന്നിവരാണ് സംഘത്തിലുണ്ടാവുക. മേലെ മഞ്ചിക്കണ്ടി ഊരിലെത്തി ഇവിടുത്തെ നിവാസികളുമായി സംഘം സംസാരിക്കും.
മാവോയിസ്റ്റുകളെ കൊലപ്പെടുത്തിയത് വ്യാജ ഏറ്റുമുട്ടലിലാണെന്ന ആരോപണം ഉയരുന്നതിനിടെയാണ് സി പി ഐ സംഘം സംഭവ സ്ഥലം സന്ദര്‍ശിക്കുന്നത്. പാര്‍ട്ടി സംസ്ഥാന സെക്രട്ടറി കാനം രാജേന്ദ്രന്‍ തന്നെ ഈ ആരോപണവുമായി രംഗത്തു വന്നിരുന്നു. സംഭവത്തില്‍ മജിസ്‌ട്രേറ്റ് തല അന്വേഷണം നടത്തണമെന്നും അദ്ദേഹം ആവശ്യപ്പെട്ടിരുന്നു.
കാലാവസ്ഥ പ്രതികൂലമായതും തുടര്‍ ആക്രമണങ്ങള്‍ക്കുള്ള സാധ്യതയും മുന്‍നിര്‍ത്തി മേഖലയില്‍ തണ്ടര്‍ ബോള്‍ട്ട് ഏര്‍പ്പെടുത്തിയ വിലക്ക് നിലനില്‍ക്കെയാണ് സംഘം ഇവിടം സന്ദര്‍ശിക്കുന്നത്.
Latest
ജെപി നദ്ദ അഞ്ചു ബാഗുകളില്‍ പണം കൊണ്ടുവന്നു; ആരോപണവുമായി തേജസ്വി യാദവ്
സംസ്ഥാനത്ത് സ്വര്‍ണവില കുറഞ്ഞു
കൊച്ചി വാട്ടര്‍ മെട്രോക്ക് ഇന്ന് ഒന്നാം പിറന്നാള്‍; 19.72ലക്ഷം പേര്‍ സഞ്ചരിച്ചു
ഭാര്യയെ വെട്ടിക്കൊലപ്പെടുത്തിയ ശേഷം ഭര്‍ത്താവ് ആത്മഹത്യ ചെയ്തു
കോണ്‍ഗ്രസിന്റെ പത്ര പരസ്യത്തിനെതിരെ തിരഞ്ഞെടുപ്പ് കമ്മീഷന് പരാതി നല്‍കി ബി.ജെ.പി
ആലത്തൂരില്‍ വടിവാളെന്ന് രമ്യാ ഹരിദാസ്; ബോര്‍ഡുകള്‍ അഴിച്ചുമാറ്റിയ ആയുധമെന്ന് സി പി എം
