Kerala
അരൂരിലെ തോല്വിക്ക് കാരണം 'പൂതന' പരാമര്ശമല്ല; മാധ്യമങ്ങള് തന്നെ ലക്ഷ്യമിടുന്നു: മന്ത്രി ജി സുധാകരന്
ആലപ്പുഴ: അരൂരിലെ തോല്വിക്ക് കാരണം പൂതനാ പരാമര്ശമെന്ന പ്രചാരണത്തിനെതിരെ മന്ത്രി ജി സുധാകരന്. തോല്വിയുടെ ഉത്തരവാദിത്തം തന്റെമേല്കെട്ടിവെക്കാന് ചിലര് ശ്രമിക്കുകയാണ്. തന്റെ പൂതന പരാമര്ശം കൊണ്ട് ഇടതുമുന്നണി സ്ഥാനാര്ഥിക്ക്ഒരു വോട്ടും നഷ്ടമായിട്ടില്ല.യഥാര്ഥ കാരണങ്ങളെ മറക്കാന് ആണ് തനിക്ക്മേല് ആരോപണമുന്നയിക്കുന്നത്. ചില മാധ്യമങ്ങള് തന്നെ ലക്ഷ്യമിടുന്നുവെന്നും സുധാകരന് പറഞ്ഞു.
കടപ്പുറത്തെയും കായലോരത്തെയും വോട്ട് ഇടതുമുന്നണിക്ക് നഷ്ടപ്പെട്ടു. ഇത് പാര്ട്ടി സൂക്ഷ്മമായി പരിശോധിക്കണം. അവിടങ്ങളില് ന്യൂനപക്ഷങ്ങളുടെ വോട്ടുകളാണ് നഷ്ടമായത്. അരൂരില്ഷാനിമോള്അനുകമ്പ കൊണ്ട് ജയിച്ചതല്ല. നിരങ്ങിയാണ് ഷാനിമോള് ജയിച്ചത്. സീറ്റ് നഷ്ടപ്പെട്ടതില് സങ്കടമുണ്ട്. അതിന്റെ കാര്യങ്ങള് പാര്ട്ടി വിശദമായി പരിശോധിക്കുമെന്ന് സുധാകരന് പറഞ്ഞു
---- facebook comment plugin here -----