പരമ്പരാഗത കരകൗശല പ്രദർശനം ഒക്ടോബർ 30 മുതൽ അൽ ഖത്താറ സൂക്കിൽ

കരകൗശല പ്രദർശനത്തിന് പുറമെ വൈവിധ്യമാർന്ന പരമ്പരാഗത കലകളായ അൽ റസ്ഫ, അൽ അയല, അൽ റബാബ, അൽ-അസി, അൽ തഗ്‌റൂഡ, അൽ ഷല്ല, അൽ യോല തുടങ്ങിയ നിരവധി പരമ്പരാഗത കലകളും കരകകൗശല വസ്തുക്കളും മേളയിൽ അവതരിപ്പിക്കും. അലങ്കാരങ്ങളുടെയും ആഭരണങ്ങളുടെയും നിർമ്മാണവും ടൈലറിംഗും പരിചയപ്പെടുത്തുന്ന
അൽ ഖോസ് (പാം ഫ്രണ്ട് ബ്രെയിഡിംഗ്), അൽ സാദു (നെയ്ത്ത്), അൽ തല്ലി, അൽ ഫഖാർ (മൺപാത്രങ്ങൾ), അൽ ഗസ്ൽ (സ്പിന്നിംഗ്) മേളയിൽ ഒരുക്കിയിട്ടുണ്ട്. ഉത്സവം കാണാനെത്തുന്നവർക്കായി മേളയിൽ ഫാൽക്കൺറി, പെയിന്റിംഗ്, കളറിംഗ് തുടങ്ങിയ വർക്ക്‌ഷോപ്പുകൾ സംഘടിപ്പിക്കും. കുട്ടികൾക്ക് അൽ യോല മത്സരങ്ങൾക്ക് പുറമേ ഗഹ്വ (അറബിക് കോഫി), പരമ്പരാഗത വിഭവങ്ങൾ എന്നിവ തയ്യാറാക്കുന്ന നിരവധി മത്സരങ്ങളും പരിപാടിയുടെ ഭാഗമായി ഒരുക്കിയിട്ടുണ്ട്.

പരമ്പരാഗത മാർക്കറ്റിൽ കരക കൗശല വസ്തുക്കൾ, ഭക്ഷണം, വസ്ത്രം, അലങ്കാരങ്ങൾ,  ഔഷധ സസ്യങ്ങൾ, ഫാൽക്കൺറി ഉപകരണങ്ങൾ, അറബി കോഫി, മധുരപലഹാരങ്ങൾ എന്നിവ നൽകുന്നതിലെ ആതിഥ്യമര്യാദകൾ എന്നിവ പ്രദർശിപ്പിക്കും. നവംബർ 16 വരെ നീണ്ടു നിൽക്കുന്ന കരകൗശല മേള എല്ലാ ദിവസവും രാവിലെ 9 മുതൽ രാത്രി 10 വരെ  പൊതുജനങ്ങൾക്കായി തുറക്കും.