ആരോഗ്യ ക്യാമ്പ് ശ്രദ്ധേയമായി

അബൂദബി: സഹിഷ്ണുത വര്‍ഷത്തിന്റെ ഭാഗമായി സിറാജ് ദിനപത്രം സംഘടിപ്പിച്ച ആരോഗ്യ ക്യാമ്പ് ശ്രദ്ധേയമായി. ആരോഗ്യമുള്ള ഹൃദയം, ആരോഗ്യകരമായ ജീവിതം എന്ന സന്ദേശത്തില്‍ ഐ സി എഫ്, ആര്‍ എസ് സി മുസഫ്ഫ സെൻട്രൽ കമ്മിറ്റിയുടെ സഹകരണത്തോടെ  സംഘടിപ്പിച്ച ക്യാമ്പ്  മുസഫ്ഫ എല്‍ എല്‍ എച്ച് ആശുപത്രിയിലാണ് ഒരുക്കിയത്.

ജനറല്‍ ചെക്കപ്പ്, ഇ സി ജി, കാര്‍ഡിയോളജി ചെക്കപ്പ്, കൊളസ്ട്രോള്‍, എച്ച് ഡി എല്‍, എഫ് ബി എസ് തുടങ്ങിയ പരിശോധനകള്‍ നടത്തി. കൂടാതെ ഗൈനക്കോളജിസ്റ്റ് ഡോക്ടർ ഫാത്തിമയുടെ ബോധവത്ക്കരണ ക്ലാസ്, കുട്ടികളുടെ ചിത്രരചനാ മത്സരം, ഐ സി എഫ് വനിത വിഭാഗം ഹാദിയ ടീം നേതൃത്വത്തിൽ ഭക്ഷ്യ മത്സരം എന്നിവ ക്യാമ്പിന്റെ ഭാഗമായി ഒരുക്കിയിരുന്നു.