തിരുവനന്തപുരത്ത് കടലില്‍ കാണാതായ രണ്ട് വിദ്യാര്‍ഥികളുടെ മൃതദേഹം കണ്ടെത്തി

തിരുവനന്തപുരം: മുതലപ്പൊഴിയില്‍ കടലില്‍ കുളിക്കുന്നതിനിടെ കാണാതായ രണ്ട് സ്‌കൂള്‍ വിദ്യാര്‍ഥികളുടെ മൃതദേഹം വര്‍ക്കല പാപനാശത്ത് കണ്ടത്തി. വക്കം സ്വദേശികളായ ദേവനാരായണന്റെയും ഹരിചന്ദിന്റെയും മൃതദേഹമാണ് കണ്ടെത്തിയത്. കടക്കാവൂര്‍ എസ് പി ബി ഹയര്‍സെക്കന്‍ഡറി സ്‌കൂളിലെ വിദ്യാര്‍ഥികളാണ് ഇരുവരും. ഇവര്‍ക്കാപ്പം അപകടത്തില്‍പ്പെട്ട ഗോകുല്‍ എന്ന കുട്ടിയെ കഴിഞ്ഞദിവസം മത്സ്യത്തൊഴിലാളികള്‍ രക്ഷപ്പെടുത്തിയിരുന്നു.

വ്യാഴാഴ്ച രാവിലെ പത്ത് മണിയോടെയാണ് സംഭവം . കലോത്സവമായതിനാല്‍ സ്‌കൂളില്‍ ക്ലാസില്ലായിരുന്നു. തുടര്‍ന്ന് എട്ട് വിദ്യാര്‍ഥികളാണ് ബീച്ചിലെത്തിയത്. ഇതില്‍ മൂന്നുപേര്‍ അപകടത്തില്‍പ്പെടുകയായിരുന്നു. രക്ഷപ്പെടുത്തിയ ഗോകുലിനെ ചിറയന്‍കീഴ് ആശുപത്രിയില്‍ പ്രാഥമിക ചികിത്സ നല്‍കിയ ശേഷം വീട്ടിലേക്ക് വിട്ടയക്കുകയും ചെയ്തിരുന്നു.