Kerala
പാലാരിവട്ടം പാലം അഴിമതി കേസ്: ടി ഒ സൂരജിന്റേതടക്കം മൂന്ന് പേരുടെ ജാമ്യാപേക്ഷ ഹൈക്കോടതി തള്ളി
കൊച്ചി: പാലാരിവട്ടം പാലം അഴിമതിക്കേസില് പൊതുമരാമത്ത് വകുപ്പ് മുന് സെക്രട്ടറി ടി ഒ സൂരജിന്റെ ജാമ്യ ഹരജി ഹൈക്കോടതി തള്ളി. ടി ഒ സൂരജിന് പുറമേ കരാര് കമ്പനി ഉടമ സുമിത് ഗോയല്, ആര്ബിഡിസി മുന് എജിഎം എം ടി തങ്കച്ചന് എന്നിവര്ക്കും ഹൈക്കോടതി ജാമ്യം നിഷേധിച്ചു. അതേ സമയം കേസിലെ മൂന്നാം പ്രതി കിറ്റ്കോ ജോയിന്റ് ജനറല് മാനേജര് ബെന്നി പോളിന് കോടതി ജാമ്യം അനുവദിച്ചു.
ബെന്നി പോളിന് അഴിമതിയിലോ ഗൂഢാലോചനയിലോ കാര്യമായ പങ്കില്ലെന്ന് അന്വേഷണസംഘം കണ്ടെത്തിയിരുന്നു. മറ്റു പ്രതികള്ക്ക് ജാമ്യം അനുവദിച്ചാല് കേസന്വേഷണത്തെ ബാധിക്കുമെന്നും വിജിലന്സ് ഹൈക്കോടതിയെ അറിയിച്ചു. ഇതംഗീകരിച്ചാണ് സൂരജ് അടക്കമുള്ള മൂന്ന് പ്രതികളുടെ ജാമ്യഹര്ജി കോടതി തള്ളിയത്.ഈ മാസം 17 വരെയാണ് പ്രതികളെ കോടതി റിമാന്ഡ് ചെയ്തിരിക്കുന്നത്. ജയിലില് നിന്ന് ഇറങ്ങിയാല് പാലാരിവട്ടം അഴിമതി സംബന്ധിച്ച് കൂടുതല് കാര്യങ്ങള് വെളിപ്പെടുത്തുമെന്ന് സൂരജ് കഴിഞ്ഞയാഴ്ച പറഞ്ഞിരുന്നു.