National
അമിത് ഷായുടെ വിഭജന രാഷ്ട്രീയം ബംഗാളില്‍ വിലപ്പോകില്ലെന്ന് മമത
കൊല്‍ക്കത്ത: ദേശീയ പൗരത്വ രജിസ്റ്ററിന്റെ (എന്‍ ആര്‍ സി) പേരില്‍ ജനങ്ങളെ താന്‍ തെറ്റിദ്ധരിപ്പിക്കുന്നുവെന്ന കേന്ദ്ര ആഭ്യന്തര മന്ത്രി അമിത് ഷായുടെ ആരോപണത്തിനെതിരെ രൂക്ഷ വിമര്‍ശനവുമായി പശ്ചിമ ബംഗാള്‍ മുഖ്യമന്ത്രി മമത ബാനര്‍ജി. വിഭജന രാഷ്ട്രീയം പയറ്റുകയാണ് അമിത് ഷായെന്നും അത് ബംഗാളില്‍ വിലപ്പോകില്ലെന്നും മമത പറഞ്ഞു.
ആര്‍ക്കും സംസ്ഥാനത്തേക്ക് വരാം, ജനങ്ങളുടെ ഉപചാരങ്ങള്‍ ഏറ്റുവാങ്ങാം. എന്നാല്‍, വിഭജന രാഷ്ട്രീയം പ്രയോഗിക്കരുത്. അത് ബംഗാളില്‍ ഏശില്ല. എല്ലാ വിഭാഗക്കാരെയും ബഹുമാനിക്കുന്നവരാണ് ബംഗാളി ജനത. അത് തകര്‍ക്കാന്‍ ആരു ശ്രമിച്ചാലും കഴിയില്ല. ദക്ഷിണ കൊല്‍ക്കത്തയില്‍ ഒരു ചടങ്ങില്‍ സംസാരിക്കവെ മമത പറഞ്ഞു.
ദേശീയ പൗരത്വ രജിസ്റ്ററുമായി ബന്ധപ്പെട്ട് മുസ്ലിമല്ലാത്ത ഒരഭയാര്‍ഥിയെയും രാജ്യത്തിന് പുറത്താക്കില്ലെന്ന് പശ്ചിമ ബംഗാളില്‍ സന്ദര്‍ശനത്തിനെത്തിയ ആഭ്യന്തര മന്ത്രി അമിത് ഷാ പറഞ്ഞിരുന്നു. ഹിന്ദു, സിഖ്, ജൈന മതക്കാരായ അഭയാര്‍ഥികളെയൊന്നും പുറന്തള്ളില്ലെന്നും ഷാ പറഞ്ഞു. എന്‍ ആര്‍ സി സംബന്ധിച്ച് പരിഭ്രാന്തി പരത്താനാണ് ബംഗാള്‍ മുഖ്യമന്ത്രി മമത ബാനര്‍ജി ശ്രമിക്കുന്നതെന്ന് ഷാ ആരോപിച്ചു.
Latest
മാസപ്പടി കേസ്; മുഖ്യമന്ത്രിക്കും മകള്‍ക്കുമെതിരായ ഹരജിയില്‍ വിധി ഇന്ന്
മോഷണക്കേസില്‍ ജയിലിലായി; നിരപരാധിത്വം തെളിഞ്ഞതിന് പിന്നാലെ യുവാവ് ജീവനൊടുക്കിയ നിലയില്‍
സംസ്ഥാനത്ത് മൂന്ന് ദിവസം ഇടിമിന്നലോട് കൂടിയ മഴക്ക് സാധ്യത; ഇന്ന് മൂന്ന് ജില്ലകളില്‍ യെല്ലോ അലര്‍ട്ട്
ലോക്‌സഭാ തിരഞ്ഞെടുപ്പ്; ആദ്യഘട്ട വോട്ടെടുപ്പ് തുടങ്ങി
ഓ അശുതോഷ്...! മുംബൈക്ക് ഒന്പത് റൺസ് ജയം
ന്യൂനപക്ഷ സമുദായങ്ങളുടെ ആരാധനാലയങ്ങള്‍ ആക്രമിക്കുന്നത് അപലപനീയം: കാന്തപുരം തെലങ്കാന മുഖ്യമന്ത്രിക്ക് കത്തയച്ചു
