Kerala
മരട് ഫ്‌ളാറ്റ്: സര്‍ക്കാര്‍ നിര്‍ദേശം ലഭിച്ചാല്‍ മാത്രം ഒഴിപ്പിക്കലെന്ന് നഗരസഭ സെക്രട്ടറി
കൊച്ചി: മരടിലെ അനധികൃത ഫ്‌ളാറ്റുകള്‍ ഒഴിപ്പിക്കാനുള്ള മുന്നറിയിപ്പ് നാളെ അവസാനിക്കുമെങ്കിലും ഇക്കാര്യത്തില്‍ സര്‍ക്കാര്‍ തീരുമാനത്തിന് അനുസരിച്ചേ പ്രവര്‍ത്തിക്കൂവെന്ന് നഗരസഭാ സെക്രട്ടറി ആരിഫ് ഖാന്‍. ഫ്‌ളാറ്റുടമകള്‍ പ്രതിഷേധം ശക്തമാക്കാന്‍ ഒരുങ്ങുന്ന സാഹചര്യത്തിലാണ് സര്‍ക്കാറിന്റെ നിര്‍ദേശത്തിന് അനുസരിച്ച് മാത്രമേ ഒഴുപ്പിക്കല്‍ അടക്കമുള്ള പ്രവര്‍ത്തനങ്ങള്‍ നടത്തൂവെന്ന് നഗരസഭ പറയുന്നത്.
ഫ്‌ലാറ്റുകളില്‍ നഗരസഭ പതിച്ച നോട്ടീസിന് 12 ഫ്‌ലാറ്റുടമകള്‍ നല്‍കിയ മറുപടി കലക്ടര്‍ ഉള്‍പ്പെടെയുള്ള ഉദ്യോഗസ്ഥര്‍ക്ക് അയച്ചതായി സെക്രട്ടറി പറഞ്ഞു. നോട്ടീസ് നിയമാനുസൃതമായല്ല നല്‍കിയതെന്ന ഫ്‌ളാറ്റുടമകളുടെ മറുപടി സര്‍ക്കാറിനും കൈമാറിയിട്ടുണ്ട്.
അര്‍ഹമായ നഷ്ട പരിഹാരവും പുനരധിവാസവും ഉറപ്പാക്കാതെ ഫ്‌ലാറ്റുകളില്‍ നിന്നൊഴിയില്ലെന്ന നിലപാടിലാണ് ഫ്‌ലാറ്റുടമകള്‍. നോട്ടീസ് നല്‍കിയത് നിയമാനുസൃതമല്ലെന്ന് ചൂണ്ടിക്കാട്ടി തിങ്കളാഴ്ച ഹൈക്കോടതിയെ സമീപിക്കാനും ഫ്‌ലാറ്റ് ഉടമകള്‍ തീരുമാനിച്ചിട്ടുണ്ട്.
Latest
ഒമാനിലെ വാഹനാപകടം ; മലയാളി നഴ്സുമാരുള്പ്പെടെ മൂന്ന് മരണം
പി വി അന്വറിനെതിരെ കേസെടുക്കാന് കോടതി നിര്‍ദേശം
ഓര്ഡര് ചെയ്ത ഭക്ഷണത്തില് ചത്ത എട്ടുകാലി; ഹോട്ടല് അടപ്പിച്ച് ആരോഗ്യവകുപ്പ്
പക്ഷിപ്പനി മനുഷ്യർക്ക് അപകടം വരുത്തുമോ?
തൃശൂരില് ബിജെപി വോട്ടിന് പണം നല്കിയതായി പരാതി
കല്പന സോറന് നിയമസഭയിലേക്ക് ; ഗാണ്ഡേ മണ്ഡലത്തിലെ ഉപതിരഞ്ഞെടുപ്പില് മത്സരിക്കും
