International
കുറ്റവാളികളെ ചൈനക്കു കൈമാറുന്ന ബില്‍ ഹോങ്കോങ് പിന്‍വലിച്ചു; ജനാധിപത്യ സമരം വിജയിച്ചു
കോവ്‌ലൂണ്‍ സിറ്റി: കുറ്റവാളികളെ വിചാരണക്കായി ചൈനക്കു കൈമാറുന്ന ബില്‍ ഹോങ്കോങ് സര്‍ക്കാര്‍ പിന്‍വലിച്ചു. രാജ്യത്ത് ദീര്‍ഘകാലമായി നടന്നു വരുന്ന ജനാധിപത്യ വാദികളുടെ പ്രക്ഷോഭമാണ് ഇതോടെ ലക്ഷ്യത്തിലെത്തിയത്. ജനഹിതം മാനിച്ച് ബില്‍ പിന്‍വലിക്കുകയാണെന്ന് ചീഫ് എക്‌സിക്യൂട്ടീവ് കാരി ലാം ഔദ്യോഗിക ടെലിവിഷനിലൂടെ അറിയിച്ചു.
ഇക്കഴിഞ്ഞ ഏപ്രിലില്‍ കൊണ്ടുവന്ന ബില്ലിനെതിരെ ശക്തമായ പ്രതിഷേധമാണ് അരങ്ങേറിയത്. തെരുവില്‍ പ്രക്ഷോഭം കത്തിപ്പടര്‍ന്നതോടെ ബില്‍ താത്കാലികമായി റദ്ദാക്കുകയാണെന്ന് സര്‍ക്കാര്‍ പ്രഖ്യാപിച്ചു. എന്നാല്‍ ബില്‍ പൂര്‍ണമായി പിന്‍വലിക്കണമെന്ന പ്രക്ഷോഭകരുടെ ആവശ്യം ഒടുവില്‍ ഭരണകൂടം അംഗീകരിക്കുകയായിരുന്നു. പ്രതിഷേധത്തില്‍ പങ്കെടുത്തവരെ പോലീസ് മര്‍ദിച്ചതിനെ കുറിച്ച് അന്വേഷിക്കാന്‍ രണ്ട് മുതിര്‍ന്ന ഉദ്യോഗസ്ഥരെ നിയോഗിച്ചതായി കാരി ലാം അറിയിച്ചു.
ലാം രാജിവെക്കുക, ചൈനക്കു കീഴിലെ അര്‍ധ സ്വയംഭരണ കേന്ദ്രമായ ഹോങ്കോങിന് പൂര്‍ണ സ്വാതന്ത്ര്യം നല്‍കുക തുടങ്ങിയ ആവശ്യങ്ങളും ജനാധിപത്യ പ്രക്ഷോഭകര്‍ ഉയര്‍ത്തിയിട്ടുണ്ട്.
Latest
പ്രധാനമന്ത്രിയുടെ വിദ്വേഷ പ്രസംഗത്തെ വിമര്‍ശിച്ച ബി.ജെ.പി ന്യൂനപക്ഷമോര്‍ച്ച നേതാവിനെ പുറത്താക്കി
ഉള്ള്യേരിയില്‍ ബോംബ് കണ്ടെത്തിയെന്ന വാര്‍ത്ത;പരിശോധിച്ചപ്പോള്‍ പ്രോട്ടീന്‍ പൗഡര്‍ ടിന്‍
ഡല്‍ഹി ലഫ്റ്റനന്റ് ഗവര്‍ണറുടെ കേരള സന്ദര്‍ശനം; അടിയന്തര നടപടി ആവശ്യപ്പെട്ട് തിരഞ്ഞെടുപ്പ് കമീഷന് പ്രതിപക്ഷ നേതാവിന്റെ പരാതി
വടകരയില്‍ കലാശക്കൊട്ടിനിടെ സ്ഥാനാര്‍ഥിക്കെതിരെ അധിക്ഷേപ മുദ്രാവാക്യം ; എല്‍ഡിഎഫ് പരാതി നല്‍കി
വൈക്കം മഹാദേവക്ഷേത്രക്കുളത്തില്‍ അജ്ഞാത മൃതദേഹം കണ്ടെത്തി
പോളിംഗ് ഉദ്യോഗസ്ഥരുടെ പട്ടിക ചോര്‍ന്ന സംഭവത്തില്‍ നടപടി ; താലൂക്ക് ഓഫീസ് ജീവനക്കാരന് സസ്‌പെന്‍ഷന്‍
