Techno
ക്വാല്ക്കോമും ലെനോവോയും ചേര്ന്ന് 5ജി ലാപ്ടോപ്പ് പുറത്തിറക്കുന്നു
ക്വാല്ക്കോമും ലെനോവോയും ചേര്ന്ന് ആദ്യത്തെ സ്നാപ്പ്ഡ്രാഗണ് ഉപയോഗിച്ചുള്ള ലാപ്ടോപ്പ് പുറത്തിറക്കാന് തയ്യാറെടുക്കുന്നു. Project Limitless എന്ന് ഇരു കമ്പനികളും വിശേഷിപ്പിച്ച 5ജി കണക്റ്റിവിറ്റി ലഭ്യമാകുന്ന ലാപ്ടോപ്പ് 7nm പ്ലാറ്റഫോം ഉപയോഗിച്ചാണ് നിര്മിച്ചിരിക്കുന്നത്.
ക്വാല്ക്കോമിന്റെ സ്നാപ്ഡ്രാഗണ് 8സിഎക്സ് കമ്പ്യൂട്ട് പ്ലാറ്റ്ഫോമിലാണ് ഈ ലാപ്ടോപ്പ് പ്രവര്ത്തിക്കുന്നത്. 4ജി യും 5ജിയും ലഭ്യമാകുന്ന തരത്തിലാണ് ഇത് രൂപകല്പന ചെയ്തിട്ടുള്ളത്. Qualcomm Adreno 680 GPU യുവും Qualcomm Kryo 495 CPU യും സംയോജിപ്പിച്ചുകൊണ്ടുള്ള ഈ ലാപ്ടോപ്പില് കൂടുതല് ബാറ്ററി ബാക്കപ്പും കമ്പനി അവകാശപ്പെടുന്നു. Snapdragon X55 5G മോഡമാണ് ഉപയോഗിച്ചിട്ടുള്ളതിനാല് സെക്കന്ഡില് 2.5 ജിബി ഡൌണ്ലോഡ് സ്പീഡും ഇത് ലഭ്യമാക്കും. Project Limitless വിപണിയിലെത്തുന്ന തിയതിയോ വിലയോ ഇതുവരെ കമ്പനി പുറത്തുവിട്ടിട്ടില്ല.