National
തിരഞ്ഞെടുപ്പ് കമ്മീഷന് എതിരായ ഹരജിയില്‍ കോണ്‍ഗ്രസിന് തിരിച്ചടി
ന്യൂഡല്‍ഹി: തിരഞ്ഞെടുപ്പ് കമ്മീഷനെതിരായ കോണ്‍ഗ്രസിന്റെ ഹരജി സുപ്രീംകോടതി തള്ളി. തിരഞ്ഞെടുപ്പ് പെരുമാറ്റചട്ട വിഷയത്തില്‍ പ്രധാനമന്ത്രി നരേന്ദ്ര മോദിക്കും അമിത്ഷാക്കും ക്ലീന്‍ ചിറ്റ് നല്‍കിയ തിരഞ്ഞെടുപ്പ് കമ്മീഷന്റെ നടപടിക്കെതിരെ സമര്‍പ്പിച്ച ഹരജിയാണ് തള്ളിയത്.
സൈന്യത്തെ ഉപയോഗിച്ചും മതവികാരം ഇളക്കിവിട്ടും വോട്ട് പിടിക്കുന്നതടക്കമുള്ള നിരവധി പരാതികള്‍ പ്രധാനമന്ത്രിക്കും അമിത് ഷാക്കുമെതിരെ കോണ്‍ഗ്രസ് തിരഞ്ഞെടുപ്പ് കമ്മീഷന് മുമ്പില്‍ നല്‍കിയിരുന്നു. എന്നാല്‍ ഇതിനെല്ലാം ക്ലീന്‍ ചിറ്റ് നല്‍കുന്ന നടപടിയാണ് കമ്മീഷന് കൈകൊണ്ടത്. പ്രധാനമന്ത്രിക്ക് എട്ട് പരാതികളില്‍ ക്ലീന്‍ ചിറ്റ് നല്‍കിയിരുന്നു. തിരഞ്ഞെടുപ്പ് കമ്മീഷന്റെ ഈ നടപടിക്കെതിരെ പെട്ടന്ന് ഒരു തീരുമാനം ആവശ്യപ്പെട്ടാണ് കോണ്‍ഗ്രസ് സുപ്രീംകോടതിക്ക് മുമ്പിലെത്തിയത്.
പുതിയ സാഹചര്യത്തില്‍ കമ്മീഷന്റെ നടപടികളില്‍ ഒരു തിരുത്തലും നടത്താന്‍ സുപ്രീംകോടതി തയ്യാറായില്ല.
കമ്മീഷന്റെ നടപടി തെറ്റെന്ന് തെളിയിക്കുന്ന തെളിവുകളുമായി കോണ്‍ഗ്രസിന് വേണമെങ്കില്‍ വീണ്ടും സമീപിക്കാമെന്ന് സുപ്രീംകോടതി അറിയിച്ചു.
എന്നാല്‍ കോണ്‍ഗ്രസ് പുതിയ ഹരജി നല്‍കിയാലും വേനലവധിക്ക് കോടതിക്ക് ഉടന്‍ പിരിയുന്നതിനാല്‍ ഇനി തിരഞ്ഞെടുപ്പ് കഴിയുന്നതിനിടക്ക് ഒരു നടപടി ഇതില്‍ ഉണ്ടായേക്കില്ലെന്നാണ് റിപ്പോര്‍ട്ട്.
Latest
അട്ടപ്പാടിയില്‍ വീണ്ടും ആദിവാസി ശിശുമരണം; ഏഴുമാസം പ്രായമുള്ള കുഞ്ഞ് ശ്വാസംമുട്ടലിനെ തുടര്‍ന്ന് മരിച്ചു
പയ്യോളിയില്‍ കാര്‍ ലോറിയില്‍ ഇടിച്ച് അപകടം; രണ്ട് മരണം
ടൂറിസ്റ്റ് ബസും കാറും കൂട്ടിയിടിച്ചുണ്ടായ അപകടത്തില്‍ യുവാവ് മരിച്ചു
വടം കഴുത്തില്‍ കുരുങ്ങി സ്‌കൂട്ടര്‍ യാത്രികന്‍ മരിച്ച സംഭവം; പോസ്റ്റ്മോര്‍ട്ടം വിവരങ്ങള്‍ ഇന്ന് പുറത്ത് വരും
രാഹുല്‍ ഗാന്ധി ഇന്ന് മലപ്പുറത്ത് ; ഏറനാട്, നിലമ്പൂര്‍,വണ്ടൂര്‍ നിയമസഭ മണ്ഡലങ്ങളില്‍ റോഡ് ഷോ
ജഗന്‍ മോഹന്‍ റെഡ്ഡിയെ ആക്രമിച്ചവരെക്കുറിച്ച് വിവരം നല്‍കുന്നവര്‍ക്ക് രണ്ടു ലക്ഷം രൂപ പാരിതോഷികം പ്രഖ്യാപിച്ച് പോലീസ്
