National
ചീഫ് ജസ്റ്റിസിനെതിരായ ലൈംഗിക പീഡന പരാതി: സുപ്രീം കോടതിക്ക് മുമ്പില് പ്രതിഷേധം
ന്യൂഡല്ഹി: സുപ്രീം കോടതി ചീഫ് ജസ്റ്റിസ് രഞ്ജന് ഗൊഗോയ്ക്കെതിരെ ഉയര്ന്ന ലൈംഗികാരോപണ പരാതി തള്ളിയതിനെ തുടര്ന്ന് സുപ്രീം കോടതിക്ക് മുന്നില് വനിതാ കൂട്ടായ്മയുടെ പ്രതിഷേധം. വനിതാ സംഘടനകളും മനുഷ്യാവകാശ പ്രവര്ത്തരും അടങ്ങിയ വാട്സാപ്പ് ഗ്രൂപ്പാണ് സുപ്രീം കോടതിക്ക് മുന്നില് പ്രതിഷേധം ആഹ്വാനം ചെയ്തത്. ഒരു വിഭാഗം അഭിഭാഷകരും പ്രതിഷേധത്തില് പങ്കെടുക്കാനെത്തി.
കോടതിക്ക് മുന്നില് പ്രതിഷേധിച്ചവരെ പോലീസ് അറസ്റ്റ് ചെയ്ത് നീക്കി. 25 ഓളം പ്രവര്ത്തകരെ ആണ് അറസ്റ്റ് ചെയ്തത്. പോലീസും പ്രതിഷേധക്കാരും തമ്മില് വാക്കേറ്റവും ഉണ്ടായി. കൂടുതല് പ്രതിഷേധക്കാര് എത്തിയേക്കുമെന്ന് ഭയന്ന് സുപ്രീം കോടതിക്ക് മുമ്പില് പോലീസ് കനത്ത സുരക്ഷ ഒരുക്കി.
ചീഫ് ജസ്റ്റിസ് രഞ്ജന് ഗൊഗോയ്ക്ക് എതിരായ ലൈംഗിക പീഡന പരാതി സുപ്രീംകോടതിയുടെ ആഭ്യന്തര അന്വേഷണ സമിതി തള്ളിയിരുന്നു. ജസ്റ്റിസ് എസ് എ ബോബ്ഡെ അധ്യക്ഷനായ സമിതിയാണ് പരാതി തള്ളിയത്. മുന് കോടതി ജീവനക്കാരി കൂടിയായ യുവതി ഉന്നയിച്ച ആരോപണങ്ങളില് കഴമ്പില്ലെന്ന് ചൂണ്ടിക്കാട്ടിയാണ് പരാതി തള്ളിയത്.