Gulf
കേരള ബ്ലാസ്റ്റേഴ്‌സ് ഫുട്‌ബോള്‍ പരിശീലനത്തിന് തുടക്കം
ദുബൈ: വളര്‍ന്നു വരുന്ന ഫുട്‌ബോള്‍ പ്രതിഭകളെ കണ്ടെത്താനും പ്രായോഗിക കോച്ചിംഗ് രീതികള്‍ പരിചയപ്പെടുത്താനുമായി ഐ എസ് എല്‍ ക്ലബായ കേരള ബ്ലാസ്റ്റേഴ്‌സ് നിലമ്പൂരിലെ പീവീസ് പബ്ലിക് സ്‌കൂളുമായി സഹകരിച്ച് വിവിധ ജി സി സി രാജ്യങ്ങളില്‍ ഫുട്‌ബോള്‍ പരിശീലനം സംഘടിപ്പിക്കും.
ദുബൈ ക്രീക്ക് ജദാഫ് ഗ്രൗണ്ടില്‍ നടന്ന ദ്വിദിന കോച്ചിംഗ് ക്യാമ്പ് ബ്രിഡ്ജ് വേ ഗ്രൂപ്പ് സി ഇ ഒയും പീവീസ് പബ്ലിക് സ്‌കൂള്‍ ഡയറക്ടറുമായ ജാബിര്‍ അബ്ദുല്‍ വഹാബ് ഉദ്ഘാടനം ചെയ്തു. ബ്രിഡ്ജ് വേ ഗ്രൂപ്പ് ചീഫ് അഡ്മിന്‍ മാനേജര്‍ ഹാരിസ് നീലാമ്പ്ര അധ്യക്ഷത വഹിച്ചു.
റഫീഖ് വരിക്കോടന്‍, റഫീഖ് ഇ പി, ബ്ലാസ്റ്റേഴ്‌സ് ഔദ്യോഗിക കോച്ചുമാരായ സിംഗ്‌സ്റ്റോ തംഗ് ബോയ്, ഷെമില്‍ എന്നിവര്‍ സംസാരിച്ചു. പരിശീലനത്തെ തുടര്‍ന്ന് തെരഞ്ഞെടുക്കപ്പെടുന്ന പ്രതിഭകള്‍ക്ക് കേരള ബ്ലാസ്റ്റേഴ്‌സ് പീവീസ് സ്‌കൂളില്‍ നടത്തുന്ന അണ്ടര്‍ 15, അണ്ടര്‍ 13 ഫുട്‌ബോള്‍ സ്‌കൂളുകളില്‍ പ്രവേശനം നേടുന്നതിലൂടെ ഔപചാരിക വിദ്യാഭ്യാസവും ഫുടബോള്‍ പരിശീലനവും ഒരുമിച്ച് കൊണ്ടുപോകാനും ദേശീയ,അന്തര്‍ദേശീയ മത്സരങ്ങളില്‍ ക്ലബിന്റെ ജൂനിയര്‍ ടീമിനെ പ്രതിനീധികരിച്ച് മത്സര പരിചയ സമ്പത്ത് നേടാനും സാധിക്കുമെന്ന് പരിശീലന പദ്ധതി വീശദീകരിച്ച് കേരള ബ്ലാസ്റ്റേഴ്‌സ് മാനേജര്‍ ആന്റണി തോമസ് പറഞ്ഞു.
Latest
പയ്യോളിയില്‍ കാര്‍ ലോറിയില്‍ ഇടിച്ച് അപകടം; രണ്ട് മരണം
ടൂറിസ്റ്റ് ബസും കാറും കൂട്ടിയിടിച്ചുണ്ടായ അപകടത്തില്‍ യുവാവ് മരിച്ചു
വടം കഴുത്തില്‍ കുരുങ്ങി സ്‌കൂട്ടര്‍ യാത്രികന്‍ മരിച്ച സംഭവം; പോസ്റ്റ്മോര്‍ട്ടം വിവരങ്ങള്‍ ഇന്ന് പുറത്ത് വരും
രാഹുല്‍ ഗാന്ധി ഇന്ന് മലപ്പുറത്ത് ; ഏറനാട്, നിലമ്പൂര്‍,വണ്ടൂര്‍ നിയമസഭ മണ്ഡലങ്ങളില്‍ റോഡ് ഷോ
ജഗന്‍ മോഹന്‍ റെഡ്ഡിയെ ആക്രമിച്ചവരെക്കുറിച്ച് വിവരം നല്‍കുന്നവര്‍ക്ക് രണ്ടു ലക്ഷം രൂപ പാരിതോഷികം പ്രഖ്യാപിച്ച് പോലീസ്
കണ്ണീർപ്പൂക്കളായി ആ ഒമാനി കുരുന്നുകൾ
