National
പ്രിയങ്ക മത്സരിക്കുമോ?: മനം തുറക്കാതെ രാഹുല്‍
ന്യൂഡല്‍ഹി: “നമുക്കു നോക്കാം, ഇപ്പോള്‍ അല്‍പ്പം സസ്‌പെന്‍സ് കിടക്കട്ടെ.”- തന്റെ സഹോദരിയും കിഴക്കന്‍ യു പിയുടെ ചുമതലയുള്ള എ ഐ സി സി ജനറല്‍ സെക്രട്ടറിയുമായ പ്രിയങ്ക ഗാന്ധി ലോക്‌സഭാ തിരഞ്ഞെടുപ്പില്‍ മത്സരിക്കുമോയെന്ന് മാധ്യമ പ്രവര്‍ത്തകന്റെ ചോദ്യത്തോടുള്ള കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിയുടെ പ്രതികരണമാണിത്. ഹിന്ദുസ്ഥാന് ടൈംസിന്റെ സഹോദര പ്രസിദ്ധീകരണമായ ഹിന്ദുസ്ഥാന് നല്‍കിയ അഭിമുഖത്തിലാണ് രാഹുലിന്റെ പ്രതികരണം.
പ്രിയങ്ക വാദ്ര യു പിയില്‍ മത്സരിക്കണമെന്ന് കോണ്‍ഗ്രസിനകത്ത് വ്യാപക ആവശ്യമുയര്‍ന്നിട്ടുണ്ട്. എന്നാല്‍ ഇതേക്കുറിച്ച് ഇതേവരെ അവര്‍ മനസ്സ് തുറന്നിട്ടില്ല. ഇക്കാര്യത്തില്‍ കോണ്‍ഗ്രസ് അധ്യക്ഷന്‍ തീരുമാനമെടുക്കട്ടെ എന്നാണ് പ്രിയങ്കയുടെ നിലപാട്. തിരഞ്ഞെടുപ്പില്‍ മത്സരിക്കുകയല്ല, യു പിയില്‍ പാര്‍ട്ടിയെ പോരാട്ടത്തിന് തയാറാക്കുകയും 2022ലെ സംസ്ഥാന തിരഞ്ഞെടുപ്പില്‍ വിജയിക്കുന്നതിന് സജ്ജമാക്കുകയുമാണ് പ്രിയങ്കയെ ഏല്‍പ്പിച്ചിരിക്കുന്ന പ്രാഥമിക ദൗത്യമെന്ന് മുമ്പ് പല അവസരങ്ങളിലായി രാഹുല്‍ വ്യക്തമാക്കിയിരുന്നു.
മാതാവ് സോണിയാ ഗാന്ധി എം പിയായ റായ് ബറേലിയില്‍ നിന്ന് ജനവിധി തേടിക്കൂടേ എന്ന് മണ്ഡലത്തില്‍ പാര്‍ട്ടി പ്രവര്‍ത്തകരില്‍ നിന്ന് ചോദ്യമുയര്‍ന്നപ്പോള്‍ എന്തുകൊണ്ട് വാരണാസി ആയിക്കൂടാ എന്ന മറുചോദ്യമായിരുന്നു പ്രിയങ്ക ഉന്നയിച്ചത്. വാരണാസിയിലാണ് പ്രധാന മന്ത്രി നരേന്ദ്ര മോദി മത്സരിക്കുന്നത്.
Latest
തിരഞ്ഞെടുപ്പ് റാലിക്കിടെ ബിജെപി സ്ഥാനാര്‍ഥി പള്ളിക്ക് നേരെ സാങ്കല്‍പ്പിക അമ്പ് തൊടുത്തു; വന്‍ പ്രതിഷേധം
നാവിക സേനയുടെ അടുത്ത മേധാവിയായി വൈസ് അഡ്മിറല്‍ ദിനേശ്കുമാര്‍ ത്രിപാഠിയെ നിയമിച്ചു
ജയിലെന്ന് കേട്ടാല്‍ പേടിക്കുന്നവരല്ല ഞങ്ങളെന്ന് മുഖ്യമന്ത്രി പിണറായി വിജയന്‍ ; രാഹുല്‍ ഗാന്ധിക്കെതിരെ രൂക്ഷ വിമര്‍ശനം
യുവതിയെ വീട്ടിലെ കിടപ്പുമുറിയില്‍ തൂങ്ങിമരിച്ചനിലയില്‍ കണ്ടെത്തിയ സംഭവം; ഭര്‍ത്താവ് അറസ്റ്റില്‍
വോട്ടെടുപ്പിനിടെ ബംഗാളിലെ ബൂത്തിന് സമീപം കല്ലേറ്
മണിപ്പൂരില്‍ പോളിങ് ബൂത്തില്‍ സംഘര്‍ഷം ; പോളിങ് മെഷീനുകള്‍ അക്രമകാരികള്‍ തകര്‍ത്തു.
