Gulf
മലപ്പുറം ക്രിക്കറ്റ് കൂട്ടായ്മ : എംപിഎല്‍ ആദ്യ സീസണ് വ്യാഴാഴ്ച തുടക്കം
ദമ്മാം: സഊദിയിലെ കിഴക്കന്‍ പ്രവിശ്യയില്‍ ക്രിക്കറ്റ് പ്രേമികള്‍ക്ക് ആവേശങ്ങള്‍ സമ്മാനിച്ച് കൊണ്ട് ദമ്മാംമലപ്പുറം ക്രിക്കറ്റ് കൂട്ടായ്മ സംഘടിപ്പിക്കുന്ന മെഗാ ക്രിക്കറ്റ് ലീഗിന് ഏപ്രില്‍ പതിനൊന്ന് വ്യാഴാഴ്ച റാക്ക സാബ്‌സ ഗ്രൗണ്ടില്‍ തുടക്കം കുറിക്കും .ജില്ലയിലെ വിവിധ പ്രദേശങ്ങളില്‍ നടത്താന്‍ ഉദ്ദേശിക്കുന്ന ചാരിറ്റി പ്രവര്‍ത്തനങ്ങളുടെ പ്രചരണാര്‍ത്ഥം സംഘടിപ്പിക്കുന്ന ടൂര്‍ണ്ണമെന്റില്‍ ഗൂക്ക അബ്‌റാജ് മലപ്പുറം ബ്രദേഴ്‌സ്, എന്‍.എച് എസ് ട്രേഡിംങ്ങ്, റോമാകാസ്റ്റില്‍ ട്രേഡിംങ്ങ്, യുണൈറ്റഡ് കെ.എല്‍ 10, അല്‍ഖോബാര്‍, മലപ്പുറം സുല്‍ത്താന്‍സ്, റോയല്‍ സ്‌ട്രൈക്കേഴ്‌സ് ദമ്മാം എന്നീ ടീമുകളിലായി മലപ്പുറം ജില്ലയില്‍ നിന്നും ജില്ലക്ക് പുറത്ത് നിന്നുമുള്ള ഇരുനൂറോളം താരങ്ങള്‍ മാറ്റുരക്കും.
ടൂര്‍ണ്ണമെന്റിന്റെ ഉല്‍ഘാടനം സ്റ്റാര്‍സ് ഫോര്‍ക്ക് ലിഫ്റ്റ് മാനേജിങ്ങ് ഡയറക്ടര്‍ ഡെറിക് ഗോണ്‍സാല്‍വസ് നിര്‍വ്വഹിക്കും. കിഴക്കന്‍ പ്രവിശ്യയിലെ സാമൂഹികസാംസ്‌കാരികജീവകാരുണ്യ മേഖലകളിലെ പ്രമുഖര്‍ പരിപാടിയില്‍ സംബന്ധിക്കും. ദമ്മാം മീഡിയ ഫോറത്തില്‍ വെച്ച് നടന്ന പരിപാടിയില്‍ പുതിയ ജൈസിയുടെ പ്രകാശനവും നടന്നു .വിജയികള്‍ക്ക് റോമാകാസ്റ്റില്‍ ട്രേഡിംങ്ങ് ദമ്മാം സ്‌പോണ്‍സര്‍ ചെയ്യുന്ന വിന്നേഴ്‌സ് ട്രോഫിയും, പ്രൈസ് മണിയും റണ്ണേഴ്‌സിന് മള്‍ട്ടി സേഫ്റ്റി ട്രോഫിയും, പ്രൈസ് മണിയും സമ്മാനിക്കുമെന്ന് ടൂര്‍ണ്ണമെന്റ് കമ്മിറ്റി ഭാരവാഹികളായ നജ്മു സമാന്‍ ഐക്കരപ്പടി, ശിഹാബ് വെട്ടത്തൂര്‍, സുലൈമാന്‍ അലി യൂസുഫലി മലപ്പുറം, അനില്‍ പൂവഞ്ചേരി വാഴക്കാട്, ആബിദ് വളാഞ്ചേരി എന്നിവര്‍ വാര്‍ത്താ സമ്മേളനത്തില്‍ അറിയിച്ചു.
Latest
തിരഞ്ഞെടുപ്പ് ഡ്യൂട്ടിയിലുണ്ടായിരുന്ന സിആര്‍പിഎഫ് ജവാന്‍ പോളിങ് ബൂത്തിലെ ശൗചാലയത്തില്‍ മരിച്ചനിലയില്‍
വീട്ടിലെ വോട്ടില്‍ കള്ളവോട്ടെന്ന പരാതിയില്‍ കേസെടുത്തു; പോളിംഗ് സംഘത്തിലെ നാല് ഉദ്യോഗസ്ഥര്‍ക്ക് സസ്‌പെന്‍ഷന്‍
വെറുപ്പിനെ പരാജയപ്പെടുത്തി രാജ്യത്തിന്റെ മുക്കിലും മൂലയിലും സ്‌നേഹത്തിന്റ കട തുറക്കണമെന്ന് രാഹുല്‍ ഗാന്ധി
ലോക്‌സഭാ തിരഞ്ഞെടുപ്പ്: തമിഴ്നാട്ടില്‍ ആദ്യഘട്ടത്തില്‍ വോട്ട് ചെയ്ത് താരങ്ങളും പ്രമുഖരും
കാണാതായ അസിസ്റ്റന്റ് പോസ്റ്റ് മാസ്റ്റര്‍ ഓഫീസില്‍ മരിച്ച നിലയില്‍
തൃശൂര്‍ പൂരത്തിന് തുടക്കമായി; പൂരനഗരിയില്‍ ജനസഞ്ചയം
