Kerala
ഫേസ്ബുക്കിലെ പ്രവചനങ്ങളില് പരീക്ഷണം നടത്തുന്നവര് ജാഗ്രതൈ; മുന്നറിയിപ്പുമായി പോലീസ്
തിരുവനന്തപുരം: “അടുത്ത ജന്മത്തില് നിങ്ങള് ആരാകും? നിങ്ങളുടെ മരണവാര്ത്ത എന്തായിരിക്കും? ഇതിഹാസങ്ങളില് നിങ്ങളുമായി സാമ്യമുള്ള കഥാപാത്രം ആരാണ്? ” തുടങ്ങിയ യുക്തിരഹിതമായ പ്രവചനങ്ങളുമായി ഫേസ്ബുക്കില് പ്രത്യക്ഷപ്പെടുന്ന ലിങ്കുകള് ഉപയോഗിച്ച് പരീക്ഷണം നടത്തുന്നവര്ക്ക് മുന്നറിയിപ്പുമായി കേരളാ പോലീസ്.
ഇത്തരം ലിങ്കുകള് ക്ലിക്ക് ചെയ്യുന്നതിലൂടെ പ്രവര്ത്തന സജ്ജമാകുന്ന ആപ്ലിക്കേഷനുകളിലൂടെ നിങ്ങളുടെ അക്കൗണ്ടുകള് ഹാക്ക് ചെയ്യപ്പെടാനും അതിലൂടെ നിങ്ങളുടെ സ്വകാര്യ വിവരങ്ങള് നഷ്ടമാകാനും സാധ്യതയേറെയാണെന്ന് പോലീസ് മുന്നറിയിപ്പ് നല്കുന്നു. ഈ ലിങ്ക് വഴി ഫേസ്ബുക്ക് അക്കൗണ്ടിലേക്ക് ഇന്സ്റ്റാള് ആകുന്ന ആപ്പുകളിലൂടെ നിങ്ങളുടെ വിവരങ്ങള് ചോര്ത്തിയെടുക്കുവാനുമുള്ള അവസരവുമാണ് തട്ടിപ്പുകാര്ക്ക് നല്കുന്നത്.
ഫേസ്ബുക്കില് ഇത്തരത്തിലുള്ള ആപ്പുകള് ഉപയോഗിക്കാതിരിക്കാന് പ്രത്യേകം ശ്രദ്ധിക്കണം. ഇതുപോലുള്ള ആപ്ലിക്കേഷനുകള് ഇന്സ്റ്റാള് ചെയ്തവരുടെ ആയിരക്കണക്കിന് അക്കൗണ്ടുകള് ഹാക്ക് ചെയ്യപ്പെട്ടതായി കണ്ടെത്തിയിട്ടുണ്ട്. പരിചയമില്ലാത്ത വിദേശികളുടെ ഫ്രണ്ട് റിക്വസ്റ്റ് അവഗണിക്കണം. അവര് തരുന്ന ലിങ്കുകള് തുറക്കരുത്. മലയാളികളുടെ അടക്കം അഞ്ഞൂറില് അധികം ആളുകളുടെ ഫേസ്ബുക്ക് അക്കൗണ്ടുകള് ഇതിനോടകം #isaac_odenttem എന്ന പേരില് ഹാക്ക് ചെയ്യപ്പെട്ടു കഴിഞ്ഞു. സുരക്ഷ ഉറപ്പാക്കാമെന്ന് കേരളാ പോലീസ് ഔദ്യോഗിക ഫേസ്ബുക്ക് പേജിലൂടെ അറിയിച്ചു.
അക്കൗണ്ടുകൾ സുരക്ഷിതമാക്കാൻ പ്രൈവസി സെറ്റിങ്സിലും, സെക്യൂരിറ്റി സെറ്റിങ്സിലും ആവശ്യമായ മാറ്റങ്ങൾ വരുത്തുക. നിങ്ങളുടെ അക്കൗണ്ടിൽ സെക്യൂരിറ്റി സെറ്റിങ്സിൽ Apps and Websites എന്ന മെനുവിലൂടെ നിങ്ങൾ ഉപയോഗിക്കുന്ന ആപ്ലിക്കേഷനുകൾ കാണുവാൻ സാധിക്കും. അതിലുള്ള ആപ്ലിക്കേഷനുകൾ നീക്കം ചെയ്യുക. വ്യാജആപ്പുകൾ വഴി Data Sharing ഓപ്ഷനിലൂടെ വിവരങ്ങൾ നഷ്ടപ്പെടാതിരിക്കാൻ Apps, websites and games മെനുവിൽ സെറ്റിംഗ്സ് Turn Off ചെയ്യുക. കൂടാതെ ഫെയ്സ്ബുക്കിന്റെ സെറ്റിങ്സിൽ Security and login തിരഞ്ഞെടുത്താൽ ടൂ ഫാക്ടർ ഒതന്റിക്കേഷൻ സെറ്റ് ചെയ്തും സുരക്ഷ ഉറപ്പാക്കാമെന്ന് കേരളാ പോലീസ് ഔദ്യോഗിക ഫേസ്ബുക്ക് പേജിലൂടെ അറിയിച്ചു.