Sports
ഏകദിനത്തിലെ ഏറ്റവും മികച്ച താരം വിരാട് !
സിഡ്‌നി: കരിയറില്‍ പാതിദൂരം എത്തിനില്‍ക്കെതന്നെ കോലി ഏകദിന ക്രിക്കറ്റിലെ എക്കാലത്തെയും മികച്ച താരമാണെന്നാണ് ക്ലര്‍ക്കിന്റെ വിലയിരുത്തല്‍. ടെസ്റ്റ് ഏകദിന റാങ്കിങ്ങില്‍ ഒന്നാം സ്ഥാനത്താണ് കോലി. കോലിതന്നെയാണ് ഏകദിന ക്രിക്കറ്റ് ചരിത്രത്തിലെ ഏറ്റവും മികച്ച കളിക്കാരനെന്ന് ക്ലര്‍ക്ക് പറഞ്ഞു. തനിക്കതില്‍ ഒരു സംശയവുമില്ല. കളിയോടുള്ള സമര്‍പ്പണവും വിജയതൃഷ്ണയും അത്ഭുതപ്പെടുത്തുന്നതാണ്.
ആസ്‌ത്രേലിയയില്‍ സമാപിച്ച ഏകദിന പരമ്പരയിലും ഇന്ത്യ കിരീടം നേടിയശേഷമാണ് ക്ലര്‍ക്കിന്റെ പരാമര്‍ശം. പരമ്പരയില്‍ കോലി ഒരു സെഞ്ച്വറി നേടിയിരുന്നു. മികച്ച ക്യാപ്റ്റന്‍സിയും ശ്രദ്ധേയമായി. കോലിയുടെ ആത്മാര്‍ഥത ആര്‍ക്കും ചോദ്യംചെയ്യപ്പെടാന്‍ സാധിക്കാത്തതാണെന്നും മുന്‍ താരം ചൂണ്ടിക്കാട്ടി. എംഎസ് ധോണി ഫോമിലേക്ക് മടങ്ങിയെത്തിയതിനെക്കുറിച്ചും ക്ലര്‍ക്ക് പ്രതികരിച്ചു.
ധോണി അതീവ പരിചയസമ്പന്നനായ ക്രിക്കറ്റ് താരമാണെന്ന് ക്ലര്‍ക്ക് പറഞ്ഞു. ഓരോ സാഹചര്യത്തിലും എങ്ങിനെ ബാറ്റ് ചെയ്യണമെന്ന് ധോണിക്കറിയാം. 300ല്‍ അധികം മത്സരങ്ങള്‍ കളിച്ചു പരിചയമുള്ള താരമാെേണന്നാര്‍ക്കണം. അവസാന ഏകദിനത്തില്‍ ധോണി കളിച്ചത് വ്യത്യസ്ത രീതിയിലാണെന്നും ഓസീസ് താരം വിലയിരുത്തി. അഡ്‌ലെയ്ഡിലും മെല്‍ബണിലും ധോണിയുടെ കളി വ്യത്യസ്തമായിരുന്നു. സാഹചര്യങ്ങള്‍ തിരിച്ചറിഞ്ഞ് ബാറ്റ് ചെയ്യാനുള്ള കഴിവാണ് ഇത് തെളിയിക്കുന്നതെന്നും ക്ലര്‍ക്ക് പറഞ്ഞു.
Latest
അരുണാചല്‍പ്രദേശില്‍ വന്‍ ഉരുള്‍പ്പൊട്ടല്‍
ജെപി നദ്ദ അഞ്ചു ബാഗുകളില്‍ പണം കൊണ്ടുവന്നു; ആരോപണവുമായി തേജസ്വി യാദവ്
സംസ്ഥാനത്ത് സ്വര്‍ണവില കുറഞ്ഞു
കൊച്ചി വാട്ടര്‍ മെട്രോക്ക് ഇന്ന് ഒന്നാം പിറന്നാള്‍; 19.72ലക്ഷം പേര്‍ സഞ്ചരിച്ചു
ഭാര്യയെ വെട്ടിക്കൊലപ്പെടുത്തിയ ശേഷം ഭര്‍ത്താവ് ആത്മഹത്യ ചെയ്തു
കോണ്‍ഗ്രസിന്റെ പത്ര പരസ്യത്തിനെതിരെ തിരഞ്ഞെടുപ്പ് കമ്മീഷന് പരാതി നല്‍കി ബി.ജെ.പി
