National
ചാരവനിതയുടെ ഹണി ട്രാപ്പില്‍ കുടുങ്ങി; ഐ എസ് ഐക്കു രഹസ്യ വിവരങ്ങള്‍ നല്‍കിയ സൈനികന്‍ അറസ്റ്റില്‍
ന്യൂഡല്‍ഹി: പാക് ചാര സംഘടനയായ ഐ എസ് ഐക്കു രാജ്യ സുരക്ഷയുമായി പ്രധാനപ്പെട്ട രഹസ്യ വിവരങ്ങള്‍ ചോര്‍ത്തി നല്‍കിയെന്ന സംശയത്തെ തുടര്‍ന്ന് ഒരു സൈനികോദ്യോഗസ്ഥനെ സൈന്യം അറസ്റ്റു ചെയ്തു. അമ്പതോളം സൈനികര്‍ സംശയത്തിന്റെ നിഴലിലാണ്. ഹരിയാനക്കാരനായ സോംബീറിനെയാണ് രാജസ്ഥാനിലെ ജയ്‌സാല്‍മീറില്‍ നിന്ന് അറസ്റ്റു ചെയ്തത്.
ചാരവനിത അനിഘ ചോപ്രയെ ഉപയോഗിച്ചുള്ള ഹണി ട്രാപ്പിലാണ് സൈനികര്‍ കുടുങ്ങിപ്പോയത്. അനിഘയുടെ ഫേസ് ബുക്ക് അക്കൗണ്ട് വഴിയാണ് സോംബീറുമായി ഐ എസ് ഐ ബന്ധം സ്ഥാപിച്ചത്. തുടര്‍ന്ന് ഇന്ത്യന്‍ സൈന്യത്തിന്റെ പ്രധാന വിവരങ്ങള്‍ ചാറ്റിംഗിലൂടെ സോംബീര്‍ കൈമാറുകയായിരുന്നു. സൈന്യത്തിന്റെ നഴ്‌സിംഗ് വിഭാഗത്തില്‍ ക്യാപ്റ്റന്‍ റാങ്കുള്ള ജീവനക്കാരിയാണ് താനെന്ന് വ്യക്തമാക്കിയാണ് ചാരവനിത തന്ത്രപരമായി വിവരങ്ങള്‍ ചോര്‍ത്തിയെടുത്തത്.
സംശയമുയര്‍ന്നതിനെ തുടര്‍ന്ന് സോംബീറിനെ ഇന്റലിജന്‍സ് നിരീക്ഷിച്ചു വരികയായിരുന്നു. പരിശോധനയില്‍ സോംബീറിനെ കൂടാതെ അമ്പതോളം പേര്‍ ഹണി ട്രാപ്പില്‍ കുടുങ്ങിയിട്ടുണ്ടെന്ന് ഇന്റലിജന്‍സ് കണ്ടെത്തിയതായാണ് പ്രാഥമിക വിവരം. ഇവരെ ചോദ്യം ചെയ്തു വരികയാണെന്നും അറിയുന്നു.
Latest
പാലക്കാട് ജില്ലയില്‍ ഉഷ്ണതരംഗ മുന്നറിയിപ്പ് നല്‍കി കേന്ദ്ര കാലാവസ്ഥ വകുപ്പ്
പ്രധാനമന്ത്രിയുടെ വിദ്വേഷ പ്രസംഗത്തെ വിമര്‍ശിച്ച ബി.ജെ.പി ന്യൂനപക്ഷമോര്‍ച്ച നേതാവിനെ പുറത്താക്കി
ഉള്ള്യേരിയില്‍ ബോംബ് കണ്ടെത്തിയെന്ന വാര്‍ത്ത;പരിശോധിച്ചപ്പോള്‍ പ്രോട്ടീന്‍ പൗഡര്‍ ടിന്‍
ഡല്‍ഹി ലഫ്റ്റനന്റ് ഗവര്‍ണറുടെ കേരള സന്ദര്‍ശനം; അടിയന്തര നടപടി ആവശ്യപ്പെട്ട് തിരഞ്ഞെടുപ്പ് കമീഷന് പ്രതിപക്ഷ നേതാവിന്റെ പരാതി
വടകരയില്‍ കലാശക്കൊട്ടിനിടെ സ്ഥാനാര്‍ഥിക്കെതിരെ അധിക്ഷേപ മുദ്രാവാക്യം ; എല്‍ഡിഎഫ് പരാതി നല്‍കി
വൈക്കം മഹാദേവക്ഷേത്രക്കുളത്തില്‍ അജ്ഞാത മൃതദേഹം കണ്ടെത്തി
