National
രണ്ടാം മിന്നലാക്രമണം നടന്നതിന്റെ സൂചനകളുമായി രാജ്‌നാഥ് സിംഗ്
ന്യൂഡല്‍ഹി: പാക്കിസ്ഥാനില്‍ ഇന്ത്യ വീണ്ടും മിന്നലാക്രമണം നടത്തിയതിന്റെ സൂചനകളുമായി ആഭ്യന്തര വകുപ്പ് മന്ത്രി രാജ്‌നാഥ്സിംഗ്. ഉത്തര്‍പ്രദേശിലെ മുസാഫര്‍ നഗറില്‍ ഇന്നലെ ഭഗത് സിംഗ് പ്രതിമ അനാഛച്ഛാദനം ചെയ്ത് സംസാരിക്കവെയാണ് ഇത്തരമൊരു സൂചനകള്‍ മന്ത്രി നല്‍കിയത്. “ചിലകാര്യങ്ങള്‍ നടന്നു കഴിഞ്ഞു. അക്കാര്യങ്ങള്‍ ഇപ്പോള്‍ വെളിപ്പെടുത്താനാകില്ല. എന്നാല്‍ ശരിക്കും വലിയ കാര്യങ്ങളാണ് നടന്നത്. എന്നെ വിശ്വസിക്കു… രണ്ട് മൂന്ന് ദിവസങ്ങള്‍ക്ക് മുമ്പ് വലിയ കാര്യങ്ങളാണ് നടന്നത്. വരും ദിവസങ്ങളില്‍ എന്ത് നടക്കുമെന്ന് നിങ്ങള്‍ അറിയും” – എന്നിങ്ങനെയായിരുന്നു രാജ്‌നാഥ് സിംഗിന്റെ പ്രസംഗം. അന്താരാഷ്ട്ര അതിര്‍ത്തിയില്‍ ബിഎസ്എഫ് ജവാനെ പാക്കിസ്ഥാന്‍ ക്രൂരമായി കൊലപ്പെടുത്തിയത് പരാമര്‍ശിക്കവെയാണ് മന്ത്രി മിന്നലാക്രമണത്തിന്റെ സൂചനകള്‍ നല്‍കിയത്.
ജവാനെ കൊലപ്പെടുത്തിയതിന് പ്രതികാരമായി ഇന്ത്യ നടത്തിയ ഷെല്ലാക്രമണത്തില്‍ പാക്കിസ്ഥാനില്‍ നിരവധി പേര്‍ കൊല്ലപ്പെട്ടതായി ടൈംസ് ഓഫ് ഇന്ത്യ റിപ്പോര്‍ട്ട് ചെയ്തു. മിന്നലാക്രമണത്തിന്റെ രണ്ടാം വാര്‍ഷികം ആഘോഷിക്കുന്ന വേളയിലാണ് രണ്ടാം മിന്നലാക്രമണത്തിന്റെ സൂചനകള്‍ മന്ത്രി നല്‍കുന്നത്.
Latest
നിമിഷ പ്രിയയുടെ മോചനം; മാപ്പപേക്ഷയുമായി അമ്മ യമനിലേക്കു പുറപ്പെട്ടു
ആദ്യഘട്ടം തെരഞ്ഞെടുപ്പിനിടെ സ്ഫോടനം; കേന്ദ്രസേന ഉദ്യോഗസ്ഥന് വീരമൃത്യു
പ്രിയങ്ക ഗാന്ധി ഇന്ന് കേരളത്തില്; നാല് പരിപാടികളില് പങ്കെടുക്കും
രാഹുല് ഗാന്ധിയുടെ പരിപാടിയില് ലീഗ് കൊടി ഉയര്ത്തി; വണ്ടൂരില് സംഘര്ഷം
കോട്ട തിരിച്ചുപിടിക്കാൻ യാദവ കുടുംബം ഒറ്റക്കെട്ട്
റെഡ്ഢിമാരും റാവുമാരും ഉഴുതുമറിച്ച തെലുങ്ക് മണ്ണ്
