National
സ്ഥാനക്കയറ്റത്തിന് സംവരണം: 2006ലെ വിധി പുന:പരിശോധിക്കില്ല- സുപ്രീം കോടതി
ന്യൂഡല്‍ഹി: ജോലിയില്‍ സ്ഥാനക്കയറ്റത്തിന് പിന്നാക്ക സംവരണം അനുവദിക്കണമെന്ന ഹരജിയില്‍ 2006ലെ വിധി പുനപരിശോധിക്കില്ലെന്ന് സുപ്രീം കോടതി.പട്ടികജാതി പട്ടികവിഭാഗത്തിന് സ്ഥാനക്കയറ്റത്തിന് സംവരണം ഏര്‍പ്പെടുത്താന്‍ നിബന്ധന പാലിക്കണമെന്ന 2006ലെ വിധി പുനപ്പരിശോധിക്കണമെന്ന ഹരജികളിലാണ് സുപ്രീം കോടതി തീര്‍പ്പ് കല്‍പ്പിച്ചത്.
വിധി പുനപരിശോധിക്കാന്‍ ഏഴംഗ ബെഞ്ചിലേക്ക് വിടില്ലെന്നും ചീഫ് ജസ്റ്റിസ് ദീപക് മിശ്ര അധ്യക്ഷനായ അഞ്ചംഗ ബെഞ്ച് വ്യക്തമാക്കി. ജോലി സംവരണത്തിന് സംസ്ഥാനങ്ങള്‍ പട്ടിക ജാതി പട്ടിക വിഭാഗത്തിന്റെ പിന്നാക്കാവസ്ഥ ശേഖരിക്കേണ്ടതില്ലെന്നും കോടതി പറഞ്ഞു. പട്ടിക ജാതി പട്ടിക വിഭാഗത്തിന്റെ ആകെ ജനസംഖ്യ പരിഗണിച്ച് ആവശ്യമായ സംവരണം സ്ഥാനക്കയറ്റത്തിനും നല്‍കണമെന്ന കേന്ദ്ര സര്‍ക്കാറിന്റെ ഹരജിയും സുപ്രീം കോടതി തള്ളി. സ്ഥാനക്കയറ്റത്തിന് സംവരണം നല്‍കുമ്പോള്‍ അര്‍ഹരാകുന്ന വ്യക്തിയുടെ പിന്നാക്കാവസ്ഥ ഉറപ്പ് വരുത്തണമെന്ന് 2006ലെ വിധിയില്‍ പറഞ്ഞിരുന്നു.
Latest
ലോക്‌സഭാ തിരഞ്ഞെടുപ്പ്: വിധിയെഴുതാന്‍ കേരളം ഇന്ന് ബൂത്തിലേക്ക്
'അബ്ഷിര്‍ പ്ലാറ്റ്‌ഫോം'; നടന്നത് 25,00000 ത്തിലധികം ഇലക്ട്രോണിക് ഇടപാടുകള്‍
ജമൈക്ക ഫലസ്തീന്‍ രാഷ്ട്രത്തെ അംഗീകരിച്ചു; സ്വാഗതം ചെയ്ത് അറബ് പാര്‍ലിമെന്റ്
ഈജിപ്ഷ്യന്‍ തൊഴിലാളികള്‍ക്കുള്ള വിസ വീണ്ടും നിര്‍ത്തിവെച്ച് കുവൈത്ത്
വിദ്വേഷം പരത്തി വോട്ട് നേടാന്‍ ശ്രമം; മോദിയുടെ പ്രസംഗത്തിനെതിരെ രൂക്ഷ വിമര്‍ശനവുമായി ലത്തീന്‍ സഭാ മുഖപത്രം
പാലക്കാട്ട് റെക്കോര്‍ഡ് ചൂട്; ഇന്ന് രേഖപ്പെടുത്തിയത് 41.2 ഡിഗ്രി
