Kerala
കന്യാസ്ത്രീ സമരത്തെ സര്ക്കാര് വിരുദ്ധ പ്രക്ഷോഭമാക്കാന് നീക്കമെന്ന് കോടിയേരി ബാലക്യഷ്ണന്
കോട്ടയം: കന്യാസ്ത്രീ സമരത്തെ സര്ക്കാര് വിരുദ്ധ പ്രക്ഷോഭമാക്കി മാറ്റാന് ചില ശക്തികള് ശ്രമിക്കുന്നുവെന്ന് സിപിഎം സംസ്ഥാന സെക്രട്ടറി കോടിയേരി ബാലക്യഷ്ണന്. കന്യാസ്ത്രീ നല്കിയ പീഡനപരാതിയുടെ പശ്ചാത്തലത്തില് െ്രെകസ്തവ സഭയെ അപകീര്ത്തിപ്പെടുത്താനുള്ള ശ്രമമാണ് നടക്കുന്നത്. ഹിന്ദുരാഷ്ട്രം അക്രമാസക്തമായി സ്ഥാപിക്കാന് നിലകൊള്ളുന്ന വര്ഗീയശക്തികളുടെ വകതിരിവുകേടിനെ തുറന്നുകാട്ടണമെന്നും ദേശാഭിമാനിയില് എഴുതിയ ലേഖനത്തില് കോടിയേരി വ്യക്തമാക്കി.എല്ലാ വൈദികരും മോശക്കാരെന്നു വരുത്താന് വര്ഗീയശക്തികള് ശ്രമിക്കുന്നു. കന്യാസ്ത്രീ സമരത്തിന്റെ മറവില് എല്ഡിഎഫ് സര്ക്കാരിനും സിപിഎമ്മിനുമെതിരെ രാഷ്ട്രീയവിദ്വേഷം പരത്താനാണു നോട്ടം. ഇത്തരം രാഷ്ട്രീയശക്തികള് കന്യാസ്ത്രീ സമരത്തെ ഹൈജാക്ക് ചെയ്യാനും സംസ്ഥാന വ്യാപകമായി സമരപരമ്പര സൃഷ്ടിക്കാനും ഒളിഞ്ഞുംതെളിഞ്ഞും പുറപ്പെട്ടിരിക്കുകയാണ്. ഇതിന്റെ അപകടം ജനാധിപത്യ മതനിരപേക്ഷ വിശ്വാസികള് തിരിച്ചറിയണമെന്നും ലേഖനത്തില് പറയുന്നുണ്ട്.