Kerala
പാക് സൈനികരുടെ തല വെട്ടാറുണ്ട്; പക്ഷേ അത് പ്രദര്ശിപ്പിക്കാറില്ല: പ്രതിരോധ മന്ത്രി
ന്യൂഡല്ഹി: ഇന്ത്യന് സൈനികര് പാകിസ്ഥാന് സൈനികരുടെ തല വെട്ടാറുണ്ടെന്നും എന്നാല് അവ പ്രദര്ശിപ്പിക്കാറില്ലെന്നും പ്രതിരോധമന്ത്രി നിര്മല സീതാരാമന്. ഇന്ത്യ ടിവിക്ക് നല്കിയ അഭിമുഖത്തിലാണ് മന്ത്രിയുടെ വെളിപ്പെടുത്തല്.
പാകിസ്ഥാന് രണ്ട് ഇന്ത്യന് സൈനികരുടെ തല വെട്ടിയാല് തിരിച്ച് പത്ത് പാക് സൈനികരുടെ തല വെട്ടുമെന്ന് 2014 ലോക്സഭാ തിരഞ്ഞെടുപ്പ് വേളയില് ബിജെപി പറഞ്ഞിരുന്നു. ഇതെക്കുറിച്ചുള്ള അവതാരകന്റെ ചോദ്യത്തിന് മറുപടി പറയുകയായിരുന്നു മന്ത്രി.
2016ല് നിയന്ത്രണ രേഖ കടന്ന് ഇന്ത്യന് സൈന്യം മിന്നലാക്രമണം നടത്തിയപ്പോള് പാകിസ്ഥാന് ഒരു പാഠം പഠിച്ചു. ഇന്ത്യയിലേക്ക് നുഴഞ്ഞുകയറാന് ഭീകരരെ അനുവദിക്കാറില്ല. അതിര്ത്തിയില് വച്ചു തന്നെ അവരെ ഇല്ലാതാക്കാറുണ്ടെന്നും മന്ത്രി അഭിമുഖത്തില് വ്യക്തമാക്കി.
---- facebook comment plugin here -----