International
ലൈംഗിക പീഡനാരോപണം; യു എസ് ബിഷപ്പ് രാജിവെച്ചു
വാഷിംഗ്ടണ്: ലൈംഗിക പീഡനാരോപണത്തെ തുടര്ന്ന് അമേരിക്കന് ബിഷപ്പ് രാജിവെച്ചു. പടിഞ്ഞാറന് വിര്ജീനിയ കത്തോലിക്ക രൂപതാ ബിഷപ്പ് മൈക്കല് ബ്രാന്ഡ്സ് ഫീല്ഡാണ് രാജിവെച്ചത്. ഇദ്ദേഹത്തിന്റെ രാജി സ്വീകരിച്ചതായി പോപ്പ് ഫ്രാന്സിസ് വ്യക്തമാക്കി.
വിഷയം ചര്ച്ച ചെയ്യാന് അമേരിക്കയില് നിന്ന് നാല് പ്രതിനിധികളെ മാര്പാപ്പ വിളിച്ചുവരുത്തിയതിനു പിന്നാലെയാണ് രാജി. സംഭവത്തില് അന്വേഷണം നടത്താന് പോപ്പ് ഉത്തരവിട്ടിട്ടുണ്ട്. അന്വേഷണം നടത്തുന്നതിന് ആളെ നിയോഗിച്ചതായി പോപ്പ് അറിയിച്ചു. മൈക്കല് ബ്രാന്ഡ്സ് ഫീല്ഡിനെതിരെ 2007ല് ഉയര്ന്ന ലൈംഗികാരോപണത്തിലാണ് നടപടി.
പ്രായപൂര്ത്തിയാകാത്ത ആളുമായി ലൈംഗികബന്ധത്തിലേര്പ്പെട്ടതായി ബിഷപ്പിനെതിരെ 2012ലും ആരോപണം ഉയര്ന്നിരുന്നു. എന്നാല് അന്ന് അദ്ദേഹം ആരോപണം നിഷേധിച്ചു. താന് ആരെയും ലൈംഗികമായി ചൂഷണം ചെയ്തിട്ടില്ലെന്നും, ആരോപണം ഞെട്ടിപ്പിക്കുന്നതാണെന്നുമായിരുന്നു അദ്ദേഹം അന്ന് വ്യക്തമാക്കിയിരുന്നത്.