National
ഡല്‍ഹിയില്‍ മദ്യലഹരിയില്‍ യുവാവ് ഓടിച്ച കാറിടിച്ച് തെരുവില്‍ ഉറങ്ങുകയായിരുന്ന രണ്ട് പേര്‍ മരിച്ചു; രണ്ട് പേര്‍ക്ക് ഗുരുതരം
ന്യൂഡല്‍ഹി: ഡല്‍ഹിയില്‍ മദ്യലഹരിയില്‍ യുവാവ് ഓടിച്ച കാര്‍ റോഡരികില്‍ കിടന്നുറങ്ങിയവര്‍ക്ക്‌മേല്‍ പാഞ്ഞ് കയറി രണ്ട് പേര്‍ മരിച്ചു. സംഭവത്തില്‍ സോഫ്റ്റ്‌വേര്‍ എന്‍ജിനീയര്‍ പോലീസ് പിടിയില്‍. ദില്ലിയിലെ രജൗരി ഗാര്‍ഡന്‍ പ്രദേശത്ത് ഇന്നലെ പുലര്‍ച്ചെ നടന്ന അപകടത്തില്‍ മറ്റ് രണ്ട് പേര്‍ക്ക് ഗുരുതരമായി പരുക്കേറ്റിട്ടുണ്ട്. ഇരുപത്തഞ്ചുകാരനായ ദാവേഷിനെയാണ് പോലീസ് പിടികൂടിയത്.
പശ്ചിം വിഹാറില്‍നിന്നും ഒരു സുഹ്യത്തിനെ കാണാന്‍ വിമാനത്താവളത്തിലേക്ക് പോവുകയായിരുന്നു ദാവേഷ്. അമിത വേഗതയില്‍ ഇയാള്‍ ഓടിച്ച കാര്‍ നിയന്ത്രണം വിട്ട് രജൗരി ഗാര്‍ഡന്‍ ഫ്‌ളൈ ഓവറിന് സമീപം ഇഎസ്‌ഐ ആശുപത്രിക്ക് സമീപം നടപ്പാതയില്‍ കിടന്നുറങ്ങുകയായിരുന്നവരുടെ ദേഹത്തേക്ക് ഇടിച്ച് കയറുകയായിരുന്നു. അപകടത്തില്‍ നൊറ(50), ഷീലാ(40) എന്നിവര്‍ മരിച്ചു. മനോജ്, രാം സിംഗ് എന്നിവര്‍ക്കാണ് പരുക്കേറ്റത് . അതേ സമയം കാറിന്റെ ടയര്‍ പൊട്ടിയതാണ് അപകടത്തിന് കാരണമെന്നാണ ദാവേഷ് പറയുന്നത്. ഇയാള്‍ക്കെതിരെ പോലീസ് മനപ്പൂര്‍വമല്ലാത്ത നരഹത്യക്ക് കേസെടുത്തു.
Latest
ഹൈദരാബാദിലെ ബിജെപി സ്ഥാനാര്‍ഥി കൊമ്പല്ല മാധവി ലതക്ക് 221.37 കോടിയുടെ ആസ്ഥി
ബാറില്‍ ഭീകരാന്തരീക്ഷം സൃഷ്ടിച്ച പ്രതികളെ കസ്റ്റഡിയില്‍ എടുക്കാനെത്തിയ പോലീസിനു നേരെ ആക്രണം; യുവാക്കള്‍ അറസ്റ്റില്‍
പാലക്കാട് ജില്ലയില്‍ ഉഷ്ണതരംഗ മുന്നറിയിപ്പ് നല്‍കി കേന്ദ്ര കാലാവസ്ഥ വകുപ്പ്
പ്രധാനമന്ത്രിയുടെ വിദ്വേഷ പ്രസംഗത്തെ വിമര്‍ശിച്ച ബി.ജെ.പി ന്യൂനപക്ഷമോര്‍ച്ച നേതാവിനെ പുറത്താക്കി
ഉള്ള്യേരിയില്‍ ബോംബ് കണ്ടെത്തിയെന്ന വാര്‍ത്ത;പരിശോധിച്ചപ്പോള്‍ പ്രോട്ടീന്‍ പൗഡര്‍ ടിന്‍
ഡല്‍ഹി ലഫ്റ്റനന്റ് ഗവര്‍ണറുടെ കേരള സന്ദര്‍ശനം; അടിയന്തര നടപടി ആവശ്യപ്പെട്ട് തിരഞ്ഞെടുപ്പ് കമീഷന് പ്രതിപക്ഷ നേതാവിന്റെ പരാതി
