Kerala
തകര്‍ന്ന വള്ളങ്ങള്‍ നേരെയാക്കാന്‍ 2.5 കോടിയുടെ പദ്ധതി
തിരുവനന്തപുരം: ലക്ഷക്കണക്കിന് പേര്‍ കുടുങ്ങിക്കിടന്ന മഹാപ്രളയത്തില്‍ രക്ഷാപ്രവര്‍ത്തനത്തിന് സഹായഹസ്തവുമായി വന്ന മത്സ്യത്തൊഴിലാളികളുടെ പൂര്‍ണമായി തകര്‍ന്നതും ഭാഗികമായി തകരാറിലായതുമായ വള്ളങ്ങള്‍ നേരെയാക്കുന്നതിന് രണ്ടര കോടി രൂപയുടെ പദ്ധതി നടപ്പാക്കുമെന്ന് ഫിഷറീസ് മന്ത്രി ജെ മേഴ്‌സിക്കുട്ടി അമ്മ അറിയിച്ചു.
വിവിധ ജില്ലകളില്‍ വെളളപ്പൊക്കത്തില്‍ അകപ്പെട്ട 65000 ലധികം ആളുകളെയാണ് മത്സ്യത്തൊഴിലാളികള്‍ രക്ഷിച്ചത്. കേടുപാടുകള്‍പറ്റിയ വളളങ്ങള്‍ യുദ്ധകാലടിസ്ഥാനത്തില്‍ നവീകരിച്ച് മത്സ്യത്തൊഴിലാളികള്‍ക്ക് നല്‍കാനും പുതിയ വളളങ്ങള്‍ സമയബന്ധിതമായി വാങ്ങി ലഭ്യമാക്കുന്നതിനും സത്വര നടപടികള്‍ സ്വീകരിക്കുമെന്നും മന്ത്രി വ്യക്തമാക്കി.
ലഭ്യമായ കണക്കുകള്‍ പ്രകാരം 669 വളളങ്ങളില്‍ ഏഴെണ്ണം പൂര്‍ണമായി നശിച്ചിരുന്നു.
459 വളളങ്ങള്‍ക്ക് കേടുപാടുകള്‍ ഉണ്ടായി. ഇത്തരം വളളങ്ങള്‍ നിലവില്‍ മത്സ്യബന്ധനത്തിന് ഉപയോഗിക്കാനാകാത്ത സ്ഥിതിയാണുള്ളത്. ഇക്കാര്യം കണക്കിലെടുത്താണ് ഫിഷറീസ് വകുപ്പിന്റെ നേതൃത്വത്തില്‍ ആവശ്യമായ സാമ്പത്തിക സഹായം മത്സ്യത്തൊഴിലാളികള്‍ക്ക് ലഭ്യമാക്കാന്‍ സംസ്ഥാന സര്‍ക്കാര്‍ തത്വത്തില്‍ തീരുമാനിച്ചിരിക്കുന്നത്.
Latest
ജെപി നദ്ദ അഞ്ചു ബാഗുകളില്‍ പണം കൊണ്ടുവന്നു; ആരോപണവുമായി തേജസ്വി യാദവ്
സംസ്ഥാനത്ത് സ്വര്‍ണവില കുറഞ്ഞു
കൊച്ചി വാട്ടര്‍ മെട്രോക്ക് ഇന്ന് ഒന്നാം പിറന്നാള്‍; 19.72ലക്ഷം പേര്‍ സഞ്ചരിച്ചു
ഭാര്യയെ വെട്ടിക്കൊലപ്പെടുത്തിയ ശേഷം ഭര്‍ത്താവ് ആത്മഹത്യ ചെയ്തു
കോണ്‍ഗ്രസിന്റെ പത്ര പരസ്യത്തിനെതിരെ തിരഞ്ഞെടുപ്പ് കമ്മീഷന് പരാതി നല്‍കി ബി.ജെ.പി
ആലത്തൂരില്‍ വടിവാളെന്ന് രമ്യാ ഹരിദാസ്; ബോര്‍ഡുകള്‍ അഴിച്ചുമാറ്റിയ ആയുധമെന്ന് സി പി എം
