Kerala
ട്രാന്സ്ജെന്ഡറുകള്ക്ക് ലിംഗമാറ്റ ശസ്ത്രക്രിയക്ക് രണ്ട് ലക്ഷം രൂപ സര്ക്കാര് സഹായം
തിരുവനന്തപുരം: ട്രാന്സ്ജെന്ഡറുകള്ക്ക് ലിംഗമാറ്റ ശസ്ത്രക്രിയ നടത്താന് രണ്ട് ലക്ഷം രൂപ സര്ക്കാര് ധനസഹായം നല്കും. മുഖ്യമന്ത്രി പിണറായി വിജയന് ഫെയ്സ് ബുക്ക് പേജിലൂടെയാണ് ഇക്കാര്യം അറിയിച്ചത്.
“ആണായോ പെണ്ണായോ ജീവിക്കാന് ആഗ്രഹിക്കുന്ന ട്രാന്സ്ജെന്ഡര് വിഭാഗക്കാര്ക്ക് സാമ്പത്തികം ഇനി തടസ്സമല്ല. ട്രാന്സ്ജെന്ഡര് വിഭാഗത്തിന് വിദ്യാഭ്യാസ, തൊഴില് അവസരങ്ങള് ഉറപ്പുവരുത്തിയ സംസ്ഥാന സര്ക്കാര് ട്രാന്സ്ജെന്ഡറുകളുടെ ലിംഗമാറ്റ ശസ്ത്രക്രിയയുടെ ചെലവും വഹിക്കും. ശസ്ത്രക്രിയക്ക് ചെലവാകുന്ന തുകയില് പരമാവധി രണ്ടുലക്ഷം രുപ സര്ക്കാര് വഹിക്കും. സാമൂഹ്യനീതിവകുപ്പ് മുഖേന തുക നല്കും. ശസ്ത്രക്രിയ സംസ്ഥാനത്തിനകത്തോ പുറത്തോ ആകാം. അധിക തുക ആവശ്യമായി വരുന്നവര്ക്ക് കൂടുതല് പരിശോധനകള്ക്ക് ശേഷം തുക അനുവദിക്കും. ശസ്ത്രക്രിയ ചെലവ് സ്വയംവഹിച്ചവര്ക്ക് ആ തുക തിരികെ സര്ക്കാര് നല്കും” – മുഖ്യമന്ത്രി വ്യക്തമാക്കി.