ഉത്തരാഖണ്ഡില്‍ ബസ് കൊക്കയിലേക്ക് മറിഞ്ഞ് പത്ത് പേര്‍ മരിച്ചു

ഡെറാഡൂണ്‍: ഉത്തരാഖണ്ഡില്‍ ബസ് കൊക്കയിലേക്ക് മറിഞ്ഞ് പത്ത് പേര്‍ മരിച്ചു. ഒമ്പത് പേര്‍ക്ക് പരുക്കേറ്റു. സൂര്യധറിന് സമീപം ഋഷികേശ്- ഗംഗോത്രി ഹൈവേയിലാണ് സംഭവം. ഉത്തരാഖണ്ഡ് ട്രാന്‍സ്‌പോര്‍ട്ട് കോര്‍പറേഷന്റെ ബസാണ് അപകടത്തില്‍ പെട്ടത്.

നിയന്ത്രണം വിട്ട ബസ് 250 മീറ്റര്‍ താഴ്ചയുള്ള കൊക്കയിലേക്ക് മറിയുകയായിരുന്നു. നാട്ടുകാരും പോലീസും സ്ഥലത്തെത്തി രക്ഷാപ്രവര്‍ത്തനം തുടരുകയാണ്. 25 പേരാണ് ബസില്‍ ഉണ്ടായിരുന്നത് എന്നാണ് വിവരം.

ജൂലൈ ഒന്നിന് ഉത്തരാഖണ്ഡിലെ പൗരി ജില്ലയില്‍ സ്വകാര്യ ബസ് കൊക്കയിലേക്ക് മറിഞ്ഞ് 48 പേര്‍ മരിച്ചിരുന്നു.

Uttarakhand: 10 people died, 9 injured when the Uttarakhand Transport Corporation bus they were in, skidded off Rishikesh Gangotri Highway into a 250 metre deep gorge near Suryadhar. Local admn & police have reached the spot. There were 25 people in the bus. More details awaited. pic.twitter.com/FmEfXetXF0

— ANI (@ANI) July 19, 2018