Kerala
കനത്ത മഴ: ആറ് ജില്ലകളിലെ വിദ്യാഭ്യാസ സ്ഥാപങ്ങള്ക്ക് നാളെ അവധി; വയനാട് ചുരം റോഡില് ഗതാഗതത്തിന് നിരോധനം
കോഴിക്കോട്: കനത്ത മഴ തുടരുന്ന സാഹചര്യത്തില് കോഴിക്കോട് ജില്ലയിലെ പ്രഫഷണല് കോളജുകള് ഒഴികെ എല്ലാ വിദ്യാഭ്യാസ സ്ഥാപനങ്ങള്ക്കും നാളെ ജില്ലാ കലക്ടര് അവധി പ്രഖ്യാപിച്ചു. നേരത്തെ, പാലക്കാട്
മലപ്പുറം, വയനാട്, ഇടുക്കി ജില്ലകളിലെ വിദ്യാഭ്യാസ സ്ഥാപനങ്ങള്ക്കും ജില്ലാ കലക്ടര്മാര് അവധി പ്രഖ്യാപിച്ചിരുന്നു.
ഏറണാകുളം ജില്ലയിലെ അങ്കണ്വാടി മുതല് ഹയര്സെക്കന്ഡറി തലംവരെയുള്ള എല്ലാ വിദ്യാലയങ്ങള്ക്കും ജില്ലാ കലക്ടര് അവധി പ്രഖ്യാപിച്ചു. കോളജുകള്ക്കും പ്രൊഫഷണല് കോളജുകള്ക്കും അവധിയില്ല ആലപ്പുഴ ജില്ലയിലെ ചേര്ത്തല താലൂക്കിലെ പ്രൊഫഷണല് കോളജുകള് ഒഴികെയുള്ള വിദ്യാഭ്യാസ സ്ഥാപനങ്ങള്ക്കാണ് അവധി.
കനത്ത മഴ തുടരുന്ന സാഹചര്യത്തില് മണ്ണിടിഞ്ഞ റോഡിലെ അപകടാവസ്ഥ കണക്കിലെടുത്ത്, വയനാട് ചുരത്തില് വാഹനങ്ങള്ക്ക് ഗതാഗത നിയന്ത്രണം നാളെ മുതല് ഏര്പ്പെടുത്തുമെന്ന് ജില്ലാ കളക്ടര് യു വി ജോസ് പറഞ്ഞു ഇതുവഴി പ്രതിദിന റൂട്ട് പെര്മിറ്റുള്ള കെ എസ് ആര് ടി സി ഉള്പ്പടെയുള്ള ബസുകള്ക്ക് സര്വീസ് നടത്താം. സ്കാനിയ, ടൂറിസ്റ്റ് ബസുകള് ഉള്പ്പെടെയുള്ള വലിയ യാത്രാ വാഹനങ്ങള് വാഹനങ്ങള് താമരശേരി ചുരംവഴി പോകുന്നതും വരുന്നതും ഇനി ഒരറിയിപ്പുണ്ടാകുന്നതുവരെ നിരോധിച്ചതായി കളക്ടര് അറിയിച്ചു. നാളെ രാവിലെ മുതല് ഗതാഗത നിയന്ത്രണം ഏര്പ്പെടുത്തിയതായി കളക്ടര് പറഞ്ഞു.
മഴ തുടരുന്നതിനാല് ഡാമുകളിലും പുഴകളിലും മറ്റും ജലനിരപ്പ് ഉയരുന്നുണ്ട്. ശക്തമായ മലവെള്ളപ്പാച്ചിലിനും സാധ്യതയുണ്ട്. അതിനാല് മഴ കുറയുന്നത് വരെ ഡാമുകളിലും പുഴകളിലും ഇറങ്ങാതെ സൂക്ഷിക്കണമെന്നും വയനാട് കലക്ടര് ഫേസ്ബുക്ക് പോസ്റ്റില് വ്യക്തമാക്കി.
നാല് ജില്ലകളിലെ മദ്റസകള്ക്കും അവധിയായിരിക്കുമെന്ന് സുന്നി വിദ്യാഭ്യാസ ബോര്ഡ് ഓഫീസില് നിന്നും അറിയിച്ചു.