വിദേശരാജ്യങ്ങളിലേക്കുള്ള യു എ ഇ സ്ഥാനപതിമാര്‍ സത്യപ്രതിജ്ഞ ചെയ്തു

Posted on: July 2, 2018 11:38 am | Last updated: July 2, 2018 at 11:38 am
SHARE

ദുബൈ: വിദേശരാജ്യങ്ങളിലേക്കുള്ള യു എ ഇയുടെ സ്ഥാനപതിമാര്‍ യു എ ഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിന്‍ റാശിദ് അല്‍ മക്തൂം മുമ്പാകെ സത്യപ്രതിജ്ഞ ചെയ്തു. അബുദാബി പ്രസിഡന്‍ഷ്യല്‍ പാലസിലായിരുന്നു ചടങ്ങ്. ഇതോടൊപ്പം തന്നെ മറ്റു രാജ്യങ്ങളിലെ യു എ ഇയിലേക്കുള്ള സ്ഥാനപതിമാര്‍ തങ്ങളുടെ അധികാരപത്രം ശൈഖ് മുഹമ്മദിന് കൈമാറി.

യു എ ഇ അംബാസിഡര്‍മാരായി ഈസ സാലിം അല്‍ ദാഹിരി (അഫ്ഗാനിസ്ഥാന്‍), റാശിദ് മുഹമ്മ് അല്‍ മന്‍സൂരി (ടുണീഷ്യ), ഖലീഫ അബ്ദുര്‍റഹ്മാന്‍ അല്‍ മര്‍സൂഖി (ടാന്‍സാനിയ), സാലിം റാശിദ് അല്‍ ഉവൈസ് (കൊളംബിയ), ഡോ. നവാല്‍ ഖലീഫ അല്‍ ഹുസ്‌നി (അന്താരാഷ്ട്ര പുനരുപയുക്ത ഊര്‍ജ ഏജന്‍സി-ഐ ആര്‍ എന്‍ എയിലെ യു എ ഇയുടെ സ്ഥിരം പ്രതിനിധി), ജുമ റാശിദ് ഖമീസ് അല്‍ റുമൈതി (കോസ്റ്റാറിക്ക) എന്നിവരാണ് ശൈഖ് മുഹമ്മദ് മുമ്പാകെ സത്യപ്രതിജ്ഞ ചെയ്തത്.

ബ്രൂണെ, ഘാന, ബഹ്‌റൈന്‍, ചാഡ്, സെര്‍ബിയ, ഗ്രീസ്, ദക്ഷിണാഫ്രിക്ക, ഗാംബിയ, ബ്രിട്ടന്‍ എന്നീ രാജ്യങ്ങള്‍ക്കാണ് യു എ ഇയില്‍ പുതിയ സ്ഥാനപതിമാരെത്തിയത്. ഇവരെ ശൈഖ് മുഹമ്മദ് യു എ ഇയിലേക്ക് ഹാര്‍ദവമായി സ്വാഗതം ചെയ്തു.
ചടങ്ങില്‍ ഉപപ്രധാനമന്ത്രിയും ആഭ്യന്തരമന്ത്രിയുമായ ശൈഖ് സൈഫ് ബിന്‍ സായിദ് അല്‍ നഹ്‌യാന്‍, ഉപ പ്രധാനമന്ത്രിയും പ്രസിഡന്‍ഷ്യല്‍കാര്യ മന്ത്രിയുമായ ശൈഖ് മന്‍സൂര്‍ ബിന്‍ സായിദ് അല്‍ നഹ്‌യാന്‍, വിദേശകാര്യ-രാജ്യാന്തര സഹകരണ മന്ത്രി ശൈഖ് അബ്ദുല്ല ബിന്‍ സായിദ് അല്‍ നഹ്‌യാന്‍, ദുബൈ ഉപ ഭരണാധികാരി ശൈഖ് മക്തൂം ബിന്‍ മുഹമ്മദ് ബിന്‍ റാശിദ് അല്‍ മക്തൂം, സഹിഷ്ണുതാ മന്ത്രി ശൈഖ് നഹ്‌യാന്‍ ബിന്‍ മുബാറക് അല്‍ നഹ്‌യാന്‍ തുടങ്ങിയവര്‍ സംബന്ധിച്ചു.

LEAVE A REPLY

Please enter your comment!
Please enter your name here