Ongoing News
തോറ്റാല്‍ പുറത്ത്; ജര്‍മനിക്ക് ഇന്ന് ജീവന്‍മരണപോരാട്ടം
സോച്ചി: ലോകചാമ്പ്യന്‍മാരായ ജര്‍മനിക്ക് ഇന്ന് സ്വീഡനെതിരെ ജീവന്‍മരണപോരാട്ടം. ഗ്രൂപ്പിലെ ആദ്യ മത്സരം ജയിച്ച സ്വീഡന്‍ മൂന്ന് പോയിന്റുമായി നോക്കൗട്ടിനരികിലാണ്. മെക്‌സിക്കോക്കും മൂന്ന് പോയിന്റുണ്ട്. ഇന്ന് ദക്ഷിണ കൊറിയയാണ് മെക്‌സിക്കോയുടെ എതിരാളി.
സ്വീഡനും മെക്‌സിക്കോയും ജയിച്ചാല്‍ ജര്‍മനിയും കൊറിയയും ലോകകപ്പില്‍ നിന്ന് പുറത്താകും.
ജര്‍മന്‍ നിരയില്‍ മാറ്റങ്ങളുണ്ടാകും. ബൊറുസിയ ഡോട്മുണ്ട് മുന്നേറ്റ താരം മാര്‍കോ റ്യൂസ് സ്റ്റാര്‍ട്ടിംഗ് ലൈനപ്പിലെത്തും. മെക്‌സിക്കോക്കെതിരെ റ്യൂസ് ബെഞ്ചിലായിരുന്നു. സ്വീഡിഷ് ഡിഫന്‍സില്‍ മാഞ്ചസ്റ്റര്‍ യുനൈറ്റഡിന്റെ വിക്ടര്‍ ലെന്‍ഡെലോഫിറങ്ങും. ലീഡ്‌സ് യുനൈറ്റഡിന്റെ സെന്റര്‍ ബാക്കായ പോന്റസ് ജാന്‍സന് ഇന്ന് ബെഞ്ചിലാകും സ്ഥാനം.
ആദ്യ മത്സരത്തില്‍ മെക്‌സിക്കോയുടെ വേഗമേറിയ ഗെയിമിന് മുന്നില്‍ നിഷ്പ്രഭമായിരുന്നു ജര്‍മനി.
ലോംഗ് റേഞ്ചറുകള്‍ പരീക്ഷിച്ചെങ്കിലും മെക്‌സിക്കോ ഗോളി ഒചോവയെ കീഴടക്കാന്‍ സാധിച്ചില്ല. ഗ്രൂപ്പ് ഘട്ടത്തില്‍ പുറത്താവുക എന്ന നാണക്കേട് ജര്‍മനിക്ക് ഒഴിവാക്കേണ്ടതുണ്ട്. 1938 ലാണ് ഇതിന് മുമ്പ് ജര്‍മനി ഗ്രൂപ്പ് റൗണ്ടില്‍ പുറത്തായത്. പന്ത്രണ്ട് വര്‍ഷത്തിന് ശേഷം ലോകകപ്പില്‍ തിരിച്ചെത്തിയ സ്വീഡന്‍ ആദ്യമത്സരത്തില്‍ പെനാല്‍റ്റി ഗോളില്‍ ദക്ഷിണ കൊറിയയെ തോല്‍പ്പിച്ചിരുന്നു. ഏഴാം ലോകകപ്പിന് യോഗ്യത നേടിയ സ്വീഡന്‍ അട്ടിമറി സ്വഭാവമുള്ള ടീമാണ്. ഗ്രൂപ്പ് റൗണ്ടില്‍ ഹോളണ്ടിനെ പിന്തള്ളിയ സ്വീഡന്‍ പ്ലേ ഓഫില്‍ ഇറ്റലിയെയാണ് വീഴ്ത്തിയത്.
Latest
മാസപ്പടി കേസ്; മുഖ്യമന്ത്രിക്കും മകള്‍ക്കുമെതിരായ ഹരജിയില്‍ വിധി ഇന്ന്
മോഷണക്കേസില്‍ ജയിലിലായി; നിരപരാധിത്വം തെളിഞ്ഞതിന് പിന്നാലെ യുവാവ് ജീവനൊടുക്കിയ നിലയില്‍
സംസ്ഥാനത്ത് മൂന്ന് ദിവസം ഇടിമിന്നലോട് കൂടിയ മഴക്ക് സാധ്യത; ഇന്ന് മൂന്ന് ജില്ലകളില്‍ യെല്ലോ അലര്‍ട്ട്
ലോക്‌സഭാ തിരഞ്ഞെടുപ്പ്; ആദ്യഘട്ട വോട്ടെടുപ്പ് തുടങ്ങി
ഓ അശുതോഷ്...! മുംബൈക്ക് ഒന്പത് റൺസ് ജയം
ന്യൂനപക്ഷ സമുദായങ്ങളുടെ ആരാധനാലയങ്ങള്‍ ആക്രമിക്കുന്നത് അപലപനീയം: കാന്തപുരം തെലങ്കാന മുഖ്യമന്ത്രിക്ക് കത്തയച്ചു
