Kerala
നടിയുടെ ആവശ്യം തള്ളി; വിചാരണക്ക് വനിതാ ജഡ്ജിയും പ്രത്യേക കോടതിയുമില്ല
കൊച്ചി: തന്നെ ആക്രമിച്ച് ദൃശ്യങ്ങള്‍ പകര്‍ത്തിയ കേസിലെ വിചാരണക്ക് വനിതാ ജഡ്ജിയെ വേണമെന്ന നടിയുടെ ആവശ്യം കോടതി തള്ളി. എറണാകുളം ജില്ലയില്‍ സെഷന്‍സ് കോടതിയിലോ അഡീഷണല്‍ സെഷന്‍സ് കോടതിയിലോ വനിതാ ജഡ്ജിമാര്‍ ഇല്ലാത്ത സാഹചര്യത്തിലാണ് എറണാകുളം പ്രിന്‍സിപ്പല്‍ സെഷന്‍സ് കോടതിയുടെ ഉത്തരവ്. പ്രത്യേക കോടതി അനുവദിക്കാന്‍ കഴിയില്ലെന്നും കോടതി വ്യക്തമാക്കി. നടന്‍ ദിലീപ് പ്രതിയായ കേസില്‍, പ്രത്യേക അഭിഭാഷകനെ വേണമെന്ന നടിയുടെ ആവശ്യം കോടതി നേരത്തേ ഭാഗികമായി അനുവദിച്ചിരുന്നു.
അതേസമയം, നടിയെ ആക്രമിക്കുന്ന ദൃശ്യങ്ങളുടെ പകര്‍പ്പ് വേണമെന്ന പ്രതികളുടെ ആവശ്യം കോടതി അനുവദിച്ചില്ല. ദൃശ്യങ്ങള്‍ പുറത്തുവരാന്‍ ഇത് ഇടയാക്കുമെന്നും നടിയുടേയും കുടുംബത്തിന്റേയും അന്തസിന് ഭീഷണിയായി ഇത് മാറാന്‍ ഇടയുണ്ടെന്നും കോടതി വിലയിരുത്തി. എന്നാല്‍, പ്രതിഭാഗത്തിന് പ്രിന്‍സിപ്പല്‍ സെഷന്‍സ് ജഡ്ജിയുടേയും സ്‌പെഷ്യല്‍ പ്രോസിക്യൂട്ടറുടേയും സാന്നിധ്യത്തില്‍ ജഡ്ജിയുടെ ചേംബറില്‍ ദൃശ്യങ്ങള്‍ പരിശോധിക്കാന്‍ അവസരം നല്‍കും.
വാര്‍ത്തകള്‍ റിപ്പോര്‍ട്ട് ചെയ്യുന്നതില്‍നിന്നു മാധ്യമങ്ങളെ തടയണമെന്ന ആവശ്യത്തില്‍, നിയമപരമായി പീഡനക്കേസുകള്‍ റിപ്പോര്‍ട്ട് ചെയ്യുന്നതിനു വിലക്കുള്ളതിനാല്‍ ഇതിന് പ്രത്യേക ഉത്തരവ് ആവശ്യമില്ലെന്ന് കോടതി വ്യക്തമാക്കി.
Latest
ഉള്ള്യേരിയില്‍ ബോംബ് കണ്ടെത്തിയെന്ന വാര്‍ത്ത;പരിശോധിച്ചപ്പോള്‍ പ്രോട്ടീന്‍ പൗഡര്‍ ടിന്‍
ഡല്‍ഹി ലഫ്റ്റനന്റ് ഗവര്‍ണറുടെ കേരള സന്ദര്‍ശനം; അടിയന്തര നടപടി ആവശ്യപ്പെട്ട് തിരഞ്ഞെടുപ്പ് കമീഷന് പ്രതിപക്ഷ നേതാവിന്റെ പരാതി
വടകരയില്‍ കലാശക്കൊട്ടിനിടെ സ്ഥാനാര്‍ഥിക്കെതിരെ അധിക്ഷേപ മുദ്രാവാക്യം ; എല്‍ഡിഎഫ് പരാതി നല്‍കി
വൈക്കം മഹാദേവക്ഷേത്രക്കുളത്തില്‍ അജ്ഞാത മൃതദേഹം കണ്ടെത്തി
പോളിംഗ് ഉദ്യോഗസ്ഥരുടെ പട്ടിക ചോര്‍ന്ന സംഭവത്തില്‍ നടപടി ; താലൂക്ക് ഓഫീസ് ജീവനക്കാരന് സസ്‌പെന്‍ഷന്‍
പാട്‌നയില്‍ ഹോട്ടലില്‍ തീപ്പിടുത്തം ; ആറു പേര്‍ മരിച്ചു
