National
സൈനികനെ തട്ടിക്കൊണ്ടുപോയി
ശ്രീനഗര്‍: ജമ്മു കശ്മീരില്‍ സൈനികനെ തീവ്രവാദികള്‍ തട്ടിക്കൊണ്ടുപോയി. പുല്‍വാമ ജില്ലയില്‍ നിന്ന് പൂഞ്ച് സ്വദേശിയായ ഔറംഗസേബ് എന്നയാളെയാണ് തീവ്രവാദികള്‍ തട്ടിക്കൊണ്ടുപോയത്. സംഭവത്തില്‍ പോലീസ് അന്വേഷണം ആരംഭിച്ചു.
ഹിസ്ബുല്‍ മുജാഹിദീന്‍ കമാന്‍ഡര്‍ സമീര്‍ ടൈഗര്‍ എന്നറിയപ്പെടുന്ന സമീര്‍ അഹ്മദ് ഭട്ടിനെ വധിച്ച സൈനിക നീക്കത്തില്‍ പങ്കാളിയാണ് കാണാതായ ഔറംഗസേബ്. ഇദ്ദേഹം ശാദിമാര്‍ഗ് സൈനിക ക്യാമ്പിലാണ് ജോലിക്ക് നിയോഗിക്കപ്പെട്ടിട്ടുള്ളത്. അവിടെ നിന്ന് ജോലി കഴിഞ്ഞ് വീട്ടിലേക്കു പോകുംവഴിയാണ് തട്ടിക്കൊണ്ടുപോകല്‍. ശാദിമാര്‍ഗിലെ ക്യാമ്പിന് സമീപത്ത് നിന്ന് സ്വകാര്യ വാഹനത്തിലായിരുന്നു ഷോപ്പിയാനിലേക്ക് ഔറംഗസേബ് പോയത്. വാഹനം കലംപോറയിലെത്തിയപ്പോള്‍ തീവ്രവാദികള്‍ വാഹനം തടഞ്ഞുനിര്‍ത്തി ഔറംഗസേബിനെ തട്ടിക്കൊണ്ടുപോകുകയായിരുന്നു എന്നാണ് വിവരം. മേജര്‍ ശുക്ലയുടെ പേഴ്‌സണര്‍ സുരക്ഷാ ഉദ്യോഗസ്ഥനായിരുന്നു ഔറംഗസേബെന്നും റിപ്പോര്‍ട്ടുണ്ട്. ഔറംഗസേബിന്റേതെന്ന തരത്തില്‍ ദേശീയ വാര്‍ത്താ ഏജന്‍സികള്‍ ചിത്രം പുറത്തുവിട്ടെങ്കിലും തെറ്റാണെന്ന് കണ്ട് പിന്‍വലിച്ചു.
കശ്മീരില്‍ നിരവധി ആക്രമണ കേസുകളില്‍ ഉള്‍പ്പെട്ടിട്ടുള്ള കൊടും തീവ്രവാദിയായിരുന്നു (എ പ്ലസ് പ്ലസ്) സമീര്‍ ടൈഗര്‍. പുല്‍വാമയിലെ ദ്രുവ്ഗാമില്‍ മെയില്‍ നടന്ന ഏറ്റുമുട്ടലിലാണ് ഇയാളെ സൈന്യം വധിച്ചത്.
Latest
പ്രധാനമന്ത്രിയുടെ വിദ്വേഷ പ്രസംഗത്തെ വിമര്‍ശിച്ച ബി.ജെ.പി ന്യൂനപക്ഷമോര്‍ച്ച നേതാവിനെ പുറത്താക്കി
ഉള്ള്യേരിയില്‍ ബോംബ് കണ്ടെത്തിയെന്ന വാര്‍ത്ത;പരിശോധിച്ചപ്പോള്‍ പ്രോട്ടീന്‍ പൗഡര്‍ ടിന്‍
ഡല്‍ഹി ലഫ്റ്റനന്റ് ഗവര്‍ണറുടെ കേരള സന്ദര്‍ശനം; അടിയന്തര നടപടി ആവശ്യപ്പെട്ട് തിരഞ്ഞെടുപ്പ് കമീഷന് പ്രതിപക്ഷ നേതാവിന്റെ പരാതി
വടകരയില്‍ കലാശക്കൊട്ടിനിടെ സ്ഥാനാര്‍ഥിക്കെതിരെ അധിക്ഷേപ മുദ്രാവാക്യം ; എല്‍ഡിഎഫ് പരാതി നല്‍കി
വൈക്കം മഹാദേവക്ഷേത്രക്കുളത്തില്‍ അജ്ഞാത മൃതദേഹം കണ്ടെത്തി
പോളിംഗ് ഉദ്യോഗസ്ഥരുടെ പട്ടിക ചോര്‍ന്ന സംഭവത്തില്‍ നടപടി ; താലൂക്ക് ഓഫീസ് ജീവനക്കാരന് സസ്‌പെന്‍ഷന്‍
