Gulf
മാനദണ്ഡങ്ങള് പാലിക്കാതെ പ്രവര്ത്തിച്ച മണി എക്സ്ചേഞ്ചുകളെ തരംതാഴ്ത്തി
അബുദാബി: സെന്ട്രല് ബേങ്ക് മാനദണ്ഡങ്ങള് പാലിക്കാതെ പ്രവര്ത്തിച്ച മണി എക്സ്ചേഞ്ചുകളുടെ ലൈസന്സ് യു എ ഇ സെന്ട്രല് ബേങ്ക് തരംതാഴ്ത്തി.
ഈ എക്സ്ചേഞ്ചുകള് വഴി പണം അയക്കരുതെന്നും യു എ ഇ നിവാസികളോട് സെന്ട്രല് ബാങ്ക് ആവശ്യപ്പെട്ടു. തഹെര്, അല്-ഹദ, അല്-ഹെമരിയ, ദുബൈ എക്സ്പ്രസ്, സനാ, കോസ്മോസ്, ബിന് ബഖീത് എന്നീ ഏഴ് എക്സ്ചേഞ്ച് കമ്പനികളുടെ ലൈസന്സാണ് യു എ ഇ സെന്ട്രല് ബാങ്ക് തരാം താഴ്ത്തിയത്.
പണം കൈപ്പറ്റുന്നത്തില് നിന്നും വേതനം വിതരണം ചെയ്യുന്നതില് നിന്നും ഈ എക്സ്ചേഞ്ച് സ്ഥാപനങ്ങങ്ങളെ വിലക്കിയിരിക്കുകയാണ്. സെന്ട്രല് ബാങ്ക് അനുവദിച്ച ഗ്രെയ്സ് പീരീഡിലും മാനദണ്ഡങ്ങള് പാലിക്കാത്തതിനെത്തുടര്ന്നാണ് നടപടി.
കള്ളപ്പണ നിരോധന നിയമങ്ങള് എക്സ്ചേഞ്ച് സ്ഥാപനങ്ങള് ലംഘിച്ചതായി സെന്ട്രല് ബാങ്ക് പ്രസ്താവനയില് പറഞ്ഞു. യു എ ഇ താമസക്കാര് ഏഴ് എക്സ്ചേഞ്ച് ഹൗസുകളിലൂടെ പണം അയക്കുകയോ വേതനം വിതരണം ചെയ്യുകയോ ചെയ്യരുതെന്ന് സെന്ട്രല് ബാങ്ക് മുന്നറിയിപ്പ് നല്കി.
വിദേശ കറന്സികളും ട്രാവലേഴ്സ് ചെക്കുകളും മാത്രം വില്ക്കുന്നതിനും വാങ്ങുന്നതിനും മാത്രമേ കമ്പനികള്ക്ക് കഴിയൂ.