Kerala
കൊടുവള്ളിയില്‍ ജ്വല്ലറി കുത്തിത്തുറന്ന് വന്‍ കവര്‍ച്ച
കൊടുവള്ളി: ജ്വല്ലറി കുത്തിത്തുറന്ന് കൊടുവള്ളിയില്‍ 87 ലക്ഷത്തിന്റെ കവര്‍ച്ച. ഓപ്പണ്‍ എയര്‍ സ്റ്റേജിന് സമീപം ദേശീയപാതയില്‍ വെളുത്തേടത്ത് ഫിറോസിന്റെ ഉടമസ്ഥതയിലുള്ള സില്‍സില ജ്വല്ലറിയിലാണ് മോഷണം നടന്നത്. വ്യാഴാഴ്ച രാത്രിയിലാണ് സംഭവം. മൂന്ന് കിലോ വീതം സ്വര്‍ണം, വെള്ളി ഉരുപ്പടികളും രണ്ടര ലക്ഷം രൂപയുമാണ് കവര്‍ന്നത്.
കൊടുവള്ളി സി ഐ. പി ചന്ദ്രമോഹനന്റെ നേതൃത്വത്തില്‍ പോലീസ് സ്ഥലത്തെത്തി പരിശോധന നടത്തി. ജ്വല്ലറിയുടെ പിന്‍വശത്തെ ചുമര്‍ കുത്തിത്തുറന്ന് അകത്തുകയറിയ മോഷ്ടാക്കള്‍ ഗ്യാസ് കട്ടര്‍ ഉപയോഗിച്ച് ലോക്കര്‍ പൊളിച്ചാണ് മോഷണം നടത്തിയത്. ജ്വല്ലറിയിലെ സി സി ടി വി സംവിധാനവും മോഷ്ടാക്കള്‍ തകര്‍ത്തു.
പയ്യോളിയില്‍ നിന്നെത്തിയ ഡോഗ് സ്‌ക്വാഡും വടകരയില്‍ നിന്നെത്തിയ വിരലടയാള പരിശോധകരും സ്ഥലത്ത് പരിശോധന നടത്തി.
സമീപത്തെ കടകളിലെ സി സി ടി വികളും പോലീസ് പരിശോധിച്ചു. ഇതര സംസ്ഥാന മോഷ്ടാക്കളാണ് കവര്‍ച്ചക്ക് പിന്നിലെന്നാണ് പോലീസിന്റെ പ്രാഥമിക നിഗമനം.
Latest
സംസ്ഥാനത്ത് സ്വര്‍ണവില കുറഞ്ഞു
കൊച്ചി വാട്ടര്‍ മെട്രോക്ക് ഇന്ന് ഒന്നാം പിറന്നാള്‍; 19.72ലക്ഷം പേര്‍ സഞ്ചരിച്ചു
ഭാര്യയെ വെട്ടിക്കൊലപ്പെടുത്തിയ ശേഷം ഭര്‍ത്താവ് ആത്മഹത്യ ചെയ്തു
കോണ്‍ഗ്രസിന്റെ പത്ര പരസ്യത്തിനെതിരെ തിരഞ്ഞെടുപ്പ് കമ്മീഷന് പരാതി നല്‍കി ബി.ജെ.പി
ആലത്തൂരില്‍ വടിവാളെന്ന് രമ്യാ ഹരിദാസ്; ബോര്‍ഡുകള്‍ അഴിച്ചുമാറ്റിയ ആയുധമെന്ന് സി പി എം
വയനാട്ടില്‍ ബി ജെ പി വ്യാപകമായി ഭക്ഷ്യക്കിറ്റുകള്‍ വിതരണം ചെയ്യുന്നതായി ടി സിദ്ധിഖ് എം എല്‍ എ
