Kerala
പൊതുജനങ്ങളോട് മാന്യമായി പെരുമാറണമെന്ന് പോലീസിന് നിര്‍ദേശം
തിരുവനന്തപുരം: പൊതുജനങ്ങളോട് മാന്യമായി പെരുമാറാന്‍ പോലീസുകാര്‍ക്ക് ഉന്നത ഉദ്യോഗസ്ഥരുടെ നിര്‍ദേശം. ഡി ജി പിയുടെ നിര്‍ദേശപ്രകാരം സംസ്ഥാന വ്യാപകമായി നടന്ന പരിശീലന പരിപാടിയിലാണ് നിര്‍ദേശം. വാഹന പരിശോധന വേളകളിലടക്കം മോശം പെരുമാറ്റം പാടില്ല. പരിശോധനയുമായി സഹകരിക്കാത്തവരുടെയും പ്രകോപനമുണ്ടാക്കുന്നവരുടെയും ദൃശ്യങ്ങള്‍ പകര്‍ത്തി നിയമനടപടി സ്വീകരിക്കാനും ജില്ലാ പോലീസ് മേധാവിമാര്‍ നിര്‍ദേശം നല്‍കി.
പൊതുജനങ്ങളോടുള്ള പോലീസ് സമീപനം മോശമാകുന്നുവെന്ന പരാതികള്‍ വ്യാപകമായതോടെയാണ് ജില്ലകളില്‍ പോലീസ് മേധാവിമാരുടെ നേതൃത്വത്തില്‍ ഇന്നലെ പരിശീലന ക്ലാസുകള്‍ തുടങ്ങിയത്. വാഹന പരിശോധനയുമായി ബന്ധപ്പെട്ട പരാതികള്‍ കൂടുന്നതിനാല്‍ ട്രാഫിക് സ്‌റ്റേഷനുകളിലാണ് പ്രധാനമായും ക്ലാസുകള്‍ നടന്നത്. പൊതുജനങ്ങളോട് മാന്യമായി പെരുമാറുക. വാഹനപരിശോധന നടത്തുമ്പോള്‍ നിയമം പാലിക്കുക. യാത്രക്കാര്‍ പ്രകോപിപ്പിച്ചാലും മോശം പെരുമാറ്റം പാടില്ല. പരിശോധനയുമായി സഹകരിക്കാത്തവരുടെ ദൃശ്യങ്ങള്‍ പകര്‍ത്തുക, തുടര്‍നടപടി സ്വീകരിക്കുക, വാഹനത്തിന്റെ നമ്പര്‍ എഴുതിയെടുക്കുക ഇത്രയും കാര്യങ്ങള്‍ ചെയ്യണം.
ഹെല്‍മെറ്റ് പരിശോധനക്കായി യാത്രക്കാരനെ തള്ളിയിടാനോ ഓടിച്ചിട്ട് പിടിക്കാനോ ശ്രമിക്കരുത്. മികച്ച പെരുമാറ്റത്തോടെ പോലീസിന്റെ മുഖച്ഛായ മാറ്റണമെന്നും ജില്ല പോലീസ് മേധാവിമാര്‍ പോലീസുകാര്‍ക്ക് നിര്‍ദേശം നല്‍കി. ഡി ജി പിയുടെ സര്‍ക്കുലര്‍ പ്രകാരം പരിശീലന ക്ലാസുകള്‍ തുടരും.
Latest
വിറാസ് ഗേള്‍സ് ഇന്റര്‍വ്യൂ മെയ് രണ്ടിന്
ദല്ലാള്‍ നന്ദകുമാറില്‍ നിന്ന് പണം വാങ്ങിയിരുന്നു; കൈപ്പറ്റിയത് അക്കൗണ്ട് വഴി: ശോഭ സുരേന്ദ്രന്‍
ട്രെയിനില്‍ വനിതാ ടി ടി ഇക്ക് നേരെ കൈയേറ്റ ശ്രമം; പ്രതിയെ പിടികൂടി
ചങ്ങരംകുളത്ത് യുവാവിനെ റോഡരികില്‍ മരിച്ച നിലയില്‍ കണ്ടെത്തി
വെള്ളച്ചാട്ടത്തില്‍ കുളിക്കുന്നതിനിടെ മഞ്ഞുപാളികള്‍ക്കടിയില്‍ പെട്ട് ഇന്ത്യക്കാരനായ മെഡിക്കല്‍ വിദ്യാര്‍ഥി മരിച്ചു
ഗള്‍ഫ് കര്‍ണാടക രത്ന അവാര്‍ഡുകളുടെ രണ്ടാം പതിപ്പ് സെപ്റ്റംബര്‍ 8-ന് ദുബൈയില്‍
