തെലങ്കാനയില്‍ 14 പേര്‍ കയറിയ ഓട്ടോ വെള്ളക്കെട്ടിലേക്ക് മറിഞ്ഞ് പത്ത് പേര്‍ മരിച്ചു

Posted on: March 25, 2018 9:31 pm | Last updated: March 26, 2018 at 9:29 am
SHARE

ഹൈദരാബാദ്: പതിനാല് പേര്‍ കയറിയ ഓട്ടോറിക്ഷ വെള്ളക്കെട്ടിലേക്ക് മറിഞ്ഞ് പത്ത് പേര്‍ മരിച്ചു. തെലങ്കാന നിസാമാബാദ് ജില്ലയിലാണ് സംഭവം. മരിച്ചവരില്‍ ആറ് പേര്‍ കുട്ടികളാണ്. മുകോലയില്‍ നിന്നും മാന്‍ഡോറയിലേക്ക് പോയ ഓട്ടോയാണ് അപകടത്തില്‍പെട്ടത്.

സംഭവത്തില്‍ മുഖ്യമന്ത്രി ചന്ദ്രശേഖര്‍ റാവു അനുശോചിച്ചു. അന്വേഷണം നടത്താന്‍ ഉത്തരവിട്ടതായും അദ്ദേഹം പറഞ്ഞു. അപകടത്തില്‍ പരുക്കേറ്റ ഓട്ടോ ഡ്രൈവര്‍ ചികിത്സയിലാണ്. സംഭവത്തില്‍ പോലീസ് അന്വേഷണം തുടങ്ങി.