National
കാലിത്തീറ്റ കുംഭകോണം: ലാലു പ്രതിയായ നാലാമത്തെ കേസില് വിധി ഇന്ന്
ന്യൂഡല്ഹി: കാലിത്തീറ്റ കുംഭകോണവുമായി ബന്ധപ്പെട്ട് ബീഹാര് മുന് മുഖ്യമന്ത്രിയും ആര്ജെഡി നേതാവുമായ ലാലു പ്രസാദ് യാദവ് പ്രതിയായിട്ടുള്ള നാലാമത്തെ കേസില് വിധി ഇന്ന്. 1995 ഡിസംബറിനും 1996 ജനുവരിക്കുമിടയില് ദുംക ട്രഷറിയില് നിന്ന് 3.13 കോടി രൂപ പിന്വലിച്ച കേസില് റാഞ്ചി പ്രത്യേക സിബിഐ കോടതിയാണ് വിധി പറയുന്നത്.
കാലിത്തീറ്റ കുംഭകോണവുമായി ബന്ധപ്പെട്ട് ഇതുവരെ കോടതി വിധി പറഞ്ഞ മൂന്ന് കേസിലും ലാലു പ്രസാദ് യാദവ് കുറ്റക്കാരനാണെന്ന് കോടതി കണ്ടെത്തിയിരുന്നു.
നിലവില് ബിര്സാ മുണ്ടാ സെന്ട്രല് ജയിലില് ശിക്ഷ അനുഭവിക്കുന്ന ലാലുവിനെ ദേഹാസാസ്ഥ്യത്തെ തുടര്ന്ന് ശനിയാഴ്ച രാജേന്ദ്ര ഇന്സ്റ്റിറ്റിയൂട്ട് ഓഫ് മെഡിക്കല് സയന്സില് പ്രവേശിപ്പിച്ചിരുന്നു. മൂന്ന് നാല് ദിവസങ്ങള്ക്കുള്ളില് ആശുപത്രി വിടുമെന്ന് അധികൃതര് പറഞ്ഞു.
---- facebook comment plugin here -----