Gulf
നീളത്തില്‍ ഗിന്നസ് റെക്കോഡുമായി റാക്കിലെ സിപ്‌ലൈന്‍ ഉയരങ്ങളില്‍
റാസ് അല്‍ ഖൈമ: ലോകത്തെ ഏറ്റവും നീളം കൂടിയ സിപ് ലൈന്‍ എന്ന ഖ്യാതി നേടി റാസ് അല്‍ ഖൈമ ഗിന്നസ് റെക്കോഡില്‍ ഇടംപിടിച്ചു. യു എ ഇ സുപ്രീം കൗണ്‍സില്‍ അംഗവും റാസ് അല്‍ ഖൈമ ഭരണാധികാരിയുമായ ശൈഖ് സഊദ് ബിന്‍ സഖര്‍ അല്‍ ഖാസിമി ഗിന്നസ് വേള്‍ഡ് റെക്കോഡ് അധികൃതരില്‍ നിന്ന് ഔദ്യോഗിക സാക്ഷ്യ പത്രം ഏറ്റുവാങ്ങി. 2800 മീറ്റര്‍ നീളമുള്ള സിപ് ലൈന്‍ റാക്ക് ടൂറിസം ഡെവലപ്‌മെന്റ് അതോറിറ്റിയാണ് പണികഴിപ്പിച്ചത്. ജബല്‍ ജൈസ് പര്‍വത നിരകളുടെ കമനീയത നുകരുവാനെത്തുന്ന അന്താരാഷ്ട്ര-ആഭ്യന്തര വിനോദ സഞ്ചാരികള്‍ക്ക് ഭൗമോപരിതലത്തില്‍ നിന്ന് 1680 മീറ്റര്‍ ഉയരത്തില്‍ മേഖലയുടെ ഭംഗി സിപ് ലൈനിലൂടെ ഒഴുകി നടന്ന് ആസ്വദിക്കാനുള്ള സൗകര്യമാണ് ഉള്ളത്.
റാക് ടൂറിസം അതോറിറ്റിയുടെ ഔദ്യോഗിക വെബ് സൈറ്റില്‍ നിന്ന് സിപ്‌ലൈന്‍ ടിക്കറ്റ് ബുക്ക് ചെയ്യാം. 650 ദിര്‍ഹമാണ് ഓരോ വ്യക്തികള്‍ക്കും ഈടാക്കുക. ആദ്യഘട്ടത്തില്‍ പ്രതിദിനം 250 പേര്‍ക്കാണ് സിപ് ലൈനിലൂടെ സവാരി നടത്തുന്നതിന് അവസരമൊരുങ്ങുക.
Latest
ഇ പി ജയരാജന്‍ ബി ജെ പിയിലേക്ക് പോകാന്‍ ചര്‍ച്ച നടത്തി: കെ സുധാകരന്‍
ലോക്‌സഭാ തിരഞ്ഞെടുപ്പ്: വിധിയെഴുതാന്‍ കേരളം ഇന്ന് ബൂത്തിലേക്ക്
'അബ്ഷിര്‍ പ്ലാറ്റ്‌ഫോം'; നടന്നത് 25,00000 ത്തിലധികം ഇലക്ട്രോണിക് ഇടപാടുകള്‍
ജമൈക്ക ഫലസ്തീന്‍ രാഷ്ട്രത്തെ അംഗീകരിച്ചു; സ്വാഗതം ചെയ്ത് അറബ് പാര്‍ലിമെന്റ്
ഈജിപ്ഷ്യന്‍ തൊഴിലാളികള്‍ക്കുള്ള വിസ വീണ്ടും നിര്‍ത്തിവെച്ച് കുവൈത്ത്
വിദ്വേഷം പരത്തി വോട്ട് നേടാന്‍ ശ്രമം; മോദിയുടെ പ്രസംഗത്തിനെതിരെ രൂക്ഷ വിമര്‍ശനവുമായി ലത്തീന്‍ സഭാ മുഖപത്രം
