Kerala
അറബി ഇവിടെ വന്ന് ബുദ്ധിമുട്ടേണ്ടതില്ല; ബിനോയ് ദുബൈയില്‍ തന്നെയുണ്ട്: കോടിയേരി
തൃശൂര്‍: ബിനോയ് കോടിയേരിക്കെതിരെ ഉയര്‍ന്ന സാമ്പത്തിക തട്ടിപ്പ് ആരോപണങ്ങളെ തള്ളി സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്‍ രംഗത്തെത്തി. ബിനോയ്‌ക്കെതിരെ പരാതി നല്‍കിയ അറബി ഇവിടെ വന്നു ബുദ്ധിമുട്ടേണ്ട. ബിനോയ് ദുബായില്‍ തന്നെയുണ്ട്. നിയമനടപടികള്‍ അവിടെ സ്വീകരിക്കാമെന്നും കോടിയേരി പറഞ്ഞു.
സംസ്ഥാന സെക്രട്ടേറിയറ്റിന്റെ തീരുമാനത്തിലപ്പുറം ഒന്നും ഇനി വിശദീകരിക്കാനില്ല. അബ്ദുല്ല അല്‍ മര്‍സൂഖിയെ താന്‍ കാണുകയോ സംസാരിക്കുകയോ ചെയ്തിട്ടില്ല. നിയമവിരുദ്ധ പ്രവര്‍ത്തനം നടത്തിയെങ്കില്‍ ബിനോയ് നടപടി നേരിടട്ടെ. ബിനോയ് ദുബായിലുണ്ട്, നിയമനടപടികള്‍ അവിടെ സ്വീകരിക്കാം. അതിനാല്‍ മകനെതിരെ പരാതി നല്‍കിയ അറബി ഇവിടെ വന്നു ബുദ്ധിമുട്ടേണ്ടതില്ലെന്ന് കോടിയേരി പറഞ്ഞു.
എന്നാല്‍, ബിനോയ്‌ക്കെതിരെ പരാതി നല്‍കിയ മര്‍സൂഖി തിങ്കളാഴ്ച കേരളത്തില്‍ മാധ്യമങ്ങളെ കാണും. മര്‍സൂഖിക്കു വേണ്ടി അദ്ദേഹത്തിന്റെ ഇന്ത്യയിലെ അഭിഭാഷകന്‍ റാം കിഷോര്‍ സിങ് യാദവ് തിങ്കളാഴ്ച തിരുവനന്തപുരത്തു വാര്‍ത്താസമ്മേളനം വിളിച്ച പശ്ചാത്തലത്തിലാണു കോടിയേരിയുടെ വിശദീകരണം.
Latest
സൂപ്പര്‍ 500' സ്‌കോളര്‍ഷിപ്പ് പ്രഖ്യാപിച്ച് ഹാര്‍വെസ്റ്റ് കോച്ചിങ്ങ് സ്‌കൂള്‍
വിവാഹത്തിന് മദ്യപിച്ചെത്തി പ്രശ്‌നമുണ്ടാക്കിയ വരന്‍ പൊലീസ് പിടിയില്‍ ; കല്യാണം മുടങ്ങി
വടം കഴുത്തില്‍ കുരുങ്ങി സ്‌കൂട്ടര്‍ യാത്രികന്‍ മരിച്ച സംഭവം; മുഖ്യമന്ത്രിക്ക് പരാതി നല്‍കുമെന്ന് കുടുംബം
ഭര്‍ത്താവിന്റെ ദേഹത്ത് തിളച്ച വെള്ളമൊഴിച്ചു, ടെറസില്‍ നിന്നും തള്ളിയിട്ടു ; യുവതി അറസ്റ്റില്‍
സംസ്ഥാനത്ത് സ്വര്‍ണവില 54,000 കടന്നു
പത്തനംതിട്ടയില്‍ കാണാതായ ഇതര സംസ്ഥാന തൊഴിലാളികളുടെ പെണ്‍കുട്ടികളെ മണിക്കൂറുകള്‍ക്കകം കണ്ടെത്തി പോലീസ്
