Connect with us

Kerala

യുഡിഎഫില്‍ നിന്ന് ഒരു പാര്‍ട്ടി പോലും വിട്ടുപോകില്ല: ചെന്നിത്തല

Published

|

Last Updated

തിരുവനന്തപുരം: യുഡിഎഫില്‍ നിന്ന് ഒരു പാര്‍ട്ടി പോലും വിട്ടുപോകില്ലെന്ന് പ്രതിപക്ഷ നേതാവ് രമേശ് ചെന്നിത്തല. അത്തരത്തിലുള്ള വാര്‍ത്തകള്‍ മാധ്യമസൃഷ്ടി മാത്രമാണെന്നും ചെന്നിത്തല പറഞ്ഞു.

വീരേന്ദ്രകുമാര്‍, ശ്രേയാംസ്‌കുമാര്‍, വര്‍ഗീസ് ജോര്‍ജ് തുടങ്ങിയ നേതാക്കന്മാരുമായി താന്‍ സംസാരിച്ചിരുന്നു. മുന്നണി മാറ്റത്തെക്കുറിച്ച് അവരാരും തന്നോട് പറഞ്ഞിട്ടില്ല. പാര്‍ട്ടിയിലെ ചില ആഭ്യന്തര പ്രശ്‌നങ്ങള്‍ പരിഹരിക്കാനാണ് ജെഡിയു യോഗം ചേരുന്നത്. പടയൊരുക്കം യാത്രയുടെ ശോഭ കെടുത്താനാണ് മാധ്യമങ്ങള്‍ ഇപ്പോള്‍ ഇത്തരം വാര്‍ത്തകള്‍ പ്രചരിപ്പിക്കുന്നത്. ഇതൊന്നും വിലപ്പോകില്ല- ചെന്നിത്തല കൂട്ടിച്ചേര്‍ത്തു.