ആര്‍ എസ് എസ് പ്രവര്‍ത്തകന്റെ കൊലപാതകം: മൂന്ന് പേര്‍ അറസ്റ്റില്‍

Posted on: November 14, 2017 9:27 am | Last updated: November 14, 2017 at 1:45 pm
SHARE

തൃശൂര്‍: ഗുരുവായൂരില്‍ ആര്‍ എസ് എസ് പ്രവര്‍ത്തകന്‍ ആനന്ദിനെ വെട്ടിക്കൊലപ്പെടുത്തിയ സംഭവത്തില്‍ മൂന്ന് പേര്‍ അറസ്റ്റില്‍. ഗുരുവായൂര്‍ നെന്മിനി സ്വദേശികളായ ഫായിസ്, ജിതേഷ്, കാര്‍ത്തിക്ക് എന്നിവരാണ് പിടിയിലായത്. ഇന്ന് പുലര്‍ച്ചെ ഗുരുവായൂരില്‍ നിന്നാണ് ഇവരെ പോലീസ് പിടികൂടിയത്.

നാല് വര്‍ഷം മുമ്പ് ഗുരുവായൂരില്‍ കൊല്ലപ്പെട്ട സിപിഎം പ്രവര്‍ത്തകന്‍ ഫാസിലിന്റെ സഹോദരനാണ് ഫായിസ്. ഫാസില്‍ വധക്കേസിലെ രണ്ടാം പ്രതിയായിരുന്നു ആനന്ദ്. ഫായിസിന്റെ കാറിലെത്തിയാണ് അക്രമി സംഘം ആനന്ദിനെ വെട്ടിക്കൊലപ്പെടുത്തിയതെന്ന് പോലീസ് പറയുന്നു. സംഭവശേഷം കാര്‍ ഉപേക്ഷിച്ച അക്രമി സംഘം രക്ഷപ്പെടുകയായിരുന്നു. ഗുരുവായൂരില്‍ തന്നെയുള്ള ബന്ധുവീടുകളിലായിരുന്നു ഇവര്‍ ഒളിവില്‍ കഴിഞ്ഞത്. ഇവരെ വിശദമായി ചോദ്യം ചെയ്തുവരുന്നു.

ശനിയാഴ്ചയാണ് ഗുരുവായൂര്‍ നെന്മിനി ലക്ഷം വീട് കോളനിയില്‍ ചില്ലരിക്കല്‍ വീട്ടില്‍ പരേതനായ ശശിയുടെ മകന്‍ ആനന്ദ് (26) കൊല്ലപ്പെട്ടത്. സുഹൃത്തിനൊപ്പം ബുള്ളറ്റില്‍ വീട്ടിലേക്ക് വരുന്നതിനിടെ കാറിലെത്തിയ നാലംഗ സംഘം ആനന്ദന്‍ സഞ്ചരിച്ച ബൈക്ക് ഇടിച്ചുവീഴ്ത്തി വെട്ടിക്കൊല്ലുകയായിരുന്നു.

LEAVE A REPLY

Please enter your comment!
Please enter your name here