National
ഗുജറാത്ത് 'കൈ'വിടാതെ രാഹുല്‍; മൂന്ന് ദിവസത്തെ പര്യടനത്തിന് ഇന്ന് തുടക്കം
ഗാന്ധിനഗര്‍: നിയമസഭാ തിരഞ്ഞെടുപ്പ് പടിവാതില്‍ക്കല്‍ എത്തി നില്‍ക്കെ കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധിയുടെ മൂന്ന് ദിവസത്തെ ഗുജറാത്ത് പര്യടനത്തിന് ഇന്ന് തുടക്കമാകും. ആഗസ്റ്റിന് ശേഷം ഇത് ഏഴാം തവണയാണ് രാഹുല്‍ ഗാന്ധി ഗുജറാത്ത് സന്ദര്‍ശിക്കുന്നത്.
കോണ്‍ഗ്രസിന്റെ നവസര്‍ജന്‍ യാത്രയുടെ നാലാം ഘട്ടയാത്രയിലാണ് രാഹുല്‍ പങ്കെടുക്കുക. പട്ടേല്‍, ഒബിസി വിഭാഗങ്ങള്‍ ഏറെയുള്ള ഗാന്ധിനഗര്‍, സാബര്‍കാന്ത, ബനസ്‌കന്ദ എന്നീ ജില്ലകളിലൂടെയാണ് ഇന്നത്തെ പര്യടനം. ബനസ്‌കന്ദയില്‍ മത്സരിക്കാന്‍ തയ്യാറെടുക്കുന്ന ഒബിസി നേതാവ് അല്‍പേഷ് ഠാക്കൂര്‍ റാലികളില്‍ രാഹുലിനൊപ്പം പങ്കെടുക്കും. മൂന്ന് ദിവസങ്ങളിലായി ആറ് പൊതു സമ്മേളനങ്ങളില്‍ രാഹുല്‍ പങ്കെടുക്കും. പട്ടിദാര്‍ സമുദായവും കോണ്‍ഗ്രസും തമ്മിലുള്ള ചര്‍ച്ച പര്യടനത്തിനിടെ ഉണ്ടാകും.
കര്‍ഷകര്‍, ആദിവാസികള്‍, സ്ത്രീകള്‍, യുവാക്കള്‍ എന്നിവരെ കേന്ദ്രീകരിച്ചാണ് രാഹുലിന്റെ പര്യടനമെന്ന് പാര്‍ട്ടി വൃത്തങ്ങള്‍ സൂചന നല്‍കുന്നു. അടുത്തിടെ നടത്തിയ പര്യടനങ്ങളില്‍ ഗുജറാത്ത് സര്‍ക്കാറിനെയും കേന്ദ്ര സര്‍ക്കാറിനെയും രാഹുല്‍ കടന്നാക്രമിച്ചിരുന്നു.
Latest
ബട്‌ലറുടെ ഒറ്റയാന്‍ പോരാട്ടം ; കൊല്‍ക്കത്തയെ തകര്‍ത്ത് രാജസ്ഥാന്‍
താമരശ്ശേരിയില്‍ കാറുകള്‍ കൂട്ടിയിടിച്ച് ഏഴ് പേര്‍ക്ക് പരുക്ക്; ഒരാളുടെ നില ഗുരുതരം
മാസപ്പടി കേസ്; സിഎംആര്‍എല്ലിന്റെ ഹരജിയില്‍ കമ്പനികാര്യ മന്ത്രാലയത്തിന് നോട്ടീസ് നല്‍കി ഡല്‍ഹി ഹൈക്കോടതി
ഹേമ മാലിനിക്കെതിരായ അധിക്ഷേപ പരാമര്‍ശം; സുര്‍ജേവാലക്ക് തിരഞ്ഞെടുപ്പ് പ്രചാരണത്തില്‍ വിലക്കേര്‍പ്പെടുത്തി
സിവിൽ സർവീസ് പരീക്ഷയിൽ റാങ്ക് നേടി മദീനതുന്നൂർ പൂർവ്വ വിദ്യാർത്ഥി
കേന്ദ്രത്തിന്റെ എതിര്‍പ്പ് തള്ളി; ശ്രീജ വിജയലക്ഷ്മിയെ ഹൈക്കോടതി ജഡ്ജിയായി ഉയര്‍ത്താന്‍ സുപ്രീം കോടതി ശിപാര്‍ശ
