International
പറക്കും ടാക്‌സിയുമായി യൂബര്‍ എത്തുന്നു
ന്യൂയോര്‍ക്ക്: അതിവേഗത്തില്‍ സഞ്ചരിക്കുന്ന ടാക്‌സിയെ കുറിച്ച് പറക്കും ടാക്‌സിയെന്ന് നമ്മള്‍ പറയാറുണ്ട്. എന്നാല്‍ അത് ശരിക്കും മാനത്തോടെ പറക്കുന്ന ടാക്‌സിയായാലോ..? ഓണ്‍ലൈന്‍ ടാക്‌സി രംഗത്ത് വിപ്ലവമുണ്ടാക്കിയ യൂബര്‍ പറക്കും ടാക്‌സികള്‍ പുറത്തിറക്കാന്‍ തീരുമാനിച്ചിട്ടുണ്ട്. 2020 ഓടെ പരീക്ഷണാടിസ്ഥാനത്തില്‍ ഇത്തരം ടാക്‌സികള്‍ ഓടിത്തുടങ്ങുമെന്ന് ബന്ധപ്പെട്ടവര്‍ അറിയിച്ചു. അമേരിക്കയുടെ ബഹിരാകാശ ഏജന്‍സിയായ നാസയുമായി ചേര്‍ന്നാണ് യൂബര്‍ പുതിയ വിപ്ലവത്തിന് തയ്യാറെടുക്കുന്നത്.
ഡ്രോണ്‍ വിമാനങ്ങള്‍ ടാക്‌സികളായി രംഗത്തിറക്കാനാണ് യൂബറും നാസയും ആസൂത്രണം ചെയ്യുന്നത്. യു എസ് നഗരങ്ങളിലായിരിക്കും വിമാന ടാക്‌സികള്‍ ആദ്യം ഓടിത്തുടങ്ങുക.
പരീക്ഷണം വിജയകരമാകുകയാണെങ്കില്‍ 2023 ഓടെ വ്യാവസായിക അടിസ്ഥാനത്തില്‍ ടാക്‌സികളുടെ പ്രവര്‍ത്തനം ആരംഭിക്കാനും ലോകവ്യാപകമായി ഇത് വ്യാപിപ്പിക്കാനും പദ്ധതിയുണ്ട്. 2028ലെ ലോസ്ആഞ്ചലസില്‍ നടക്കുന്ന ഒളിംബിക്‌സില്‍ വിപ്ലവാത്കമായ രീതിയില്‍ ഇത്തരം ടാക്‌സികള്‍ ഉപയോഗിക്കാനാണ് യൂബര്‍ തീരുമാനിച്ചത്.
കുറഞ്ഞ സമയം കൊണ്ട് വിമാനത്താവളത്തില്‍ നിന്ന് ജനങ്ങളെ ലക്ഷ്യസ്ഥാനത്തിലേക്ക് എത്തിക്കാന്‍ പറക്കും് ടാക്‌സികള്‍ക്ക് സാധിക്കുമെന്ന് യൂബര്‍ അവകാശപ്പെടുന്നു.
Latest
സിഗരറ്റുകളെക്കാള്‍ അപകടകാരിയാണോ ഇ - സിഗരറ്റ്
വിഡി സതീശന്‍ പെരുംനുണയന്‍, എല്ലാ കാര്യത്തിലും സത്യവിരുദ്ധ നിലപാട്; മന്ത്രി വി ശിവന്‍കുട്ടി
ക്ഷേമപെന്‍ഷനുകള്‍ അവകാശമല്ലെന്ന സര്‍ക്കാര്‍ നിലപാടിനെതിരെ സംസ്ഥാന ഭിന്നശേഷി കമ്മിഷണര്‍
പക്ഷിപ്പനി; പഞ്ചായത്ത് തല സമിതികള്‍ കൂടി മേല്‍നടപടികള്‍ സ്വീകരിക്കും: മന്ത്രി വീണ ജോര്‍ജ്
സൗമ്യ വിശ്വനാഥന്‍ കൊലക്കേസ്; പ്രതികള്‍ക്ക് ജാമ്യം നല്‍കിയതിനെതിരെ മാതാവ് സുപ്രീംകോടതിയില്‍
വോട്ടിംഗ് മെഷീനുകള്‍ക്ക് തകരാറുണ്ടെന്ന് വ്യാജവാര്‍ത്ത; ഓണ്‍ലൈന്‍ ചാനലിനെതിരെ കേസ്
