National
ചിദംബരത്തിന്റെ മകന്‍ കാര്‍ത്തിക്കെതിരെയുള്ള ലുക്കൗട്ട് സര്‍ക്കുലറിന് സ്‌റ്റേ
ചെന്നൈ: കോണ്‍ഗ്രസ് നേതാവും മുന്‍ കേന്ദ്രധനമന്ത്രിയുമായ പി ചിദംബരത്തിന്റെ മകന്‍ കാര്‍ത്തി ചിദംബരത്തിനെതിരെ സിബിഐ പുറപ്പെടുവിച്ച ലുക്കൗട്ട് സര്‍ക്കുലറിന് സ്‌റ്റേ. മദ്രാസ് ഹൈക്കോടതിയാണ് സര്‍ക്കുലര്‍ സ്‌റ്റേ ചെയ്തത്.
സി.ബി.ഐ കഴിഞ്ഞയാഴ്ച പുറപ്പെടുവിച്ച ലുക്കൗട്ട് നോട്ടീസിനെതിരെ കാര്‍ത്തി ചിദംബരമാണ് ഹൈക്കോടതിയെ സമീപിച്ചത്. വിദേശ വിനിമയച്ചട്ട ലംഘനം അടക്കമുള്ളവ ചൂണ്ടിക്കാട്ടി കാര്‍ത്തി ചിദംബരത്തിനെതിരെ കേസെടുത്തതിന് പിന്നാലെയാണ് ലുക്കൗട്ട് നോട്ടീസും പുറപ്പെടുവിച്ചത്.
കാര്‍ത്തി ചിദംബരത്തിന്റെ വിദേശ യാത്രകള്‍ സംബന്ധിച്ച വിവരങ്ങള്‍ അന്വേഷണ ഏജന്‍സികളെ മുന്‍കൂട്ടി അറിയിക്കണമെന്ന് സി.ബി.ഐയും എന്‍ഫോഴ്‌സ്‌മെന്റ് ഡയറക്ടറേറ്റും ചിദംബരത്തോട് ആവശ്യപ്പെട്ടിരുന്നു. അന്വേഷണ ഏജന്‍സികളുടെ അനുമതിയോടെ മാത്രമെ വിദേശയാത്ര നടത്താവൂയെന്നും നിര്‍ദ്ദേശിച്ചിരുന്നു.
അതിനിടെ, താന്‍ കുറ്റക്കാരനല്ലെന്നും ആരോപണം രാഷ്ട്രീയ പ്രേരിതമാണെന്നും കാര്‍ത്തി പ്രതികരിച്ചു.
Latest
മഹാരാഷ്ട്ര സഹകരണബേങ്ക് തട്ടിപ്പ്; അജിത്പവാറിന് ക്ലീന്‍ചിറ്റ് നല്‍കി അന്വേഷണ സംഘം
പ്രായപൂര്‍ത്തിയാകാത്ത വിദ്യാര്‍ഥിനിയെ പീഡിപ്പിച്ച 65കാരന്‍ അറസ്റ്റില്‍
മണിപ്പൂരില്‍ വീണ്ടും സ്‌ഫോടനം; പാലം തകര്‍ന്നു, പരുക്കോ മരണമോ റിപ്പോര്‍ട്ട് ചെയ്തിട്ടില്ല
വൈദ്യപരിശോധനയ്ക്ക് എത്തിച്ചപ്പോള്‍ പോലീസ് കസ്റ്റഡിയില്‍ നിന്നും ഓടി രക്ഷപ്പെട്ട പ്രതി രണ്ട് ദിവസത്തിന് ശേഷം കീഴടങ്ങി
രാഷ്ട്രീയ പാരമ്പര്യമാണ് അന്‍വര്‍ ഉദ്ദേശിച്ചത് ജൈവപരമായി കാണേണ്ടതില്ല; എംവി ഗോവിന്ദന്‍
സുപ്രീംകോടതി നിര്‍ദേശത്തിന് പിന്നാലെ മാപ്പപേക്ഷിക്കുന്ന പുതിയ പത്രപരസ്യവുമായി ബാബ രാംദേവ്
