Kerala
മഅ്ദനിയുടെ കേരളത്തിലെ സുരക്ഷ വഹിക്കാന് സര്ക്കാര് തയ്യാറാണെന്ന് മുഖ്യമന്ത്രി
തിരുവനന്തപുരം:പി.ഡി.പി. നേതാവ് അബ്ദുള് നാസര് മഅ്ദനിക്ക് കേരളത്തിലെ സുരക്ഷ ഒരുക്കാന് സംസ്ഥാന സര്ക്കാര് തയ്യാറാണെന്ന് മുഖ്യമന്ത്രി പിണറായി വിജയന് അറിയിച്ചു. അതിനാല് കര്ണാടക പൊലീസ് ആവശ്യപ്പെട്ട താങ്ങാനാവാത്ത തുക കുറച്ചുനല്കണമെന്നും മുഖ്യമന്ത്റി പിണറായി വിജയന് ആവശ്്യപ്പെട്ടു കര്ണാടക മുഖ്യമന്ത്റി സിദ്ധരാമയ്യയ്ക്ക് അയച്ച കത്തിലാണ് ഇക്കാര്യം അറിയിച്ചത്.
ബംഗുളുരു ജയിലില് വിചാരണ തടവുകാരനായി കഴിയുന്ന മഅ്ദനിക്ക് വൃദ്ധരായ മാതാപിതാക്കളെ സന്ദര്ശിക്കാന് എന്.ഐ.എ കോടതി അനുമതി നല്കിയിരുന്നു. നിയമപോരാട്ടത്തിനൊടുവില് ആഗസ്റ്റ് 9ന് നടക്കുന്ന മകന്റെ വിവാഹത്തില് പങ്കെടുക്കാന് സുപ്രീം കോടതിയും അനുമതി നല്കി. എന്നാല് മാനുഷിക പരിഗണനയില് സുപ്രീം കോടതി പുറപ്പെടുവിച്ച വിധിയെ നിഷ്ഫലമാക്കുന്ന നിബന്ധനയാണ് കര്ണാടക പൊലീസ് ഏര്പ്പെടുത്തിയത്.
മഅ്ദനിയുടെ കേരളത്തിലേക്കുളള യാത്രയ്ക്ക് സുരക്ഷാചിലവായി കര്ണാടക പൊലീസിന് 14.29 ലക്ഷം രൂപ നല്കണമെന്നാണ് ആവശ്യം. മഅ്ദനി കേരളം സന്ദര്ശിക്കുന്നത് തടയുകയാണ് ഈ നീക്കത്തിന് പിന്നിലെന്ന് സംശയിക്കണം. 2013നും 2016നും ഇടയ്ക്ക് മൂന്നു തവണ മഅ്ദനി വിചാരണത്തടവുകാരനായി കേരളം സന്ദര്ശിച്ചിരുന്നു. ആദ്യ രണ്ടു തവണയും മഅ്ദനിയില്നിന്നും പണമൊന്നും ഈടാക്കിയില്ല. മൂന്നാം തവണ 50,000 രൂപ അടപ്പിച്ചു. ഇപ്പോള് ചോദിക്കുന്ന തുക വളരെ കൂടിയതും മഅ്ദനിക്ക് നീതി നിഷേധിക്കുന്നതിന് തുല്യവുമാണ്.
കേരളത്തിലെ സുരക്ഷാചുമതല സംസ്ഥാനം ഏറ്റെടുക്കാന് തയ്യാറാകുന്ന സാഹചര്യത്തില് കര്ണാടക പൊലീസിന് അധികം ചിലവു വരില്ല. അതിനാല് ബംഗുളുരു പൊലീസ് കമ്മീഷണര് ആവശ്യപ്പെട്ട തുക കുറച്ചു നല്കണമെന്നും സുപ്രീം കോടതി വിധിയുടെ അന്തഃസത്ത ഉള്ക്കൊണ്ട് മഅ്ദനിക്ക് മാതാപിതാക്കളെ സന്ദര്ശിക്കാനും മകന്റെ വിവാഹത്തില് പങ്കെടുക്കാനും അവസരം നല്കണമെന്നും മുഖ്യമന്ത്റി അഭ്യര്ത്ഥിച്ചു