സൈന്യത്തെ വിമര്‍ശിക്കുന്ന രാഷ്ട്രീയ നേതാക്കളുടെ തല കൊയ്യണമെന്ന് രാജസ്ഥാന്‍ മന്ത്രി

ജയ്പൂര്‍: ഇന്ത്യന്‍ സൈന്യത്തെ വിമര്‍ശിക്കുന്ന തരത്തിലുള്ള പരാമര്‍ശങ്ങള്‍ നടത്തുന്ന രാഷ്ട്രീയക്കാരുടെ തല കൊയ്യണമെന്ന് രാജസ്ഥാന്‍ മന്ത്രി. രാജസ്ഥാനിലെ വനം മന്ത്രിയും ബിജെപി നേതാവുമായ രാജ്കുമാര്‍ റിന്‍വയാണ് പ്രകോപനകരമായ പ്രസ്താവനയുമായി രംഗത്തെത്തിയത്. ഏത് മോശം കാലാവസ്ഥയിലും രാജ്യത്തെ സംരക്ഷിക്കുന്ന സൈനികര്‍ക്കെതിരെ മോശം പരാമര്‍ശം നടത്തുന്ന രാഷ്ട്രീയക്കാരുടെ തലവെട്ടണമെന്നും ഇതിനായി നിയമഭേദഗതി നടപ്പാക്കണമെന്നും ന്യൂസ് ഏജന്‍സിയായ എഎന്‍ഐക്ക് നല്‍കിയ അഭിമുഖത്തില്‍ റിന്‍വ പറഞ്ഞു. അഞ്ച് മിനുട്ടിനുള്ളില്‍ ശിക്ഷനടപ്പാക്കണമെന്നും കേസ് രജിസ്റ്റര്‍ ചെയ്യരുതെന്നും ഇയാള്‍ കൂട്ടിച്ചേര്‍ത്തു.