Ongoing News
2021 വരെ മെസി ബാഴ്‌സയില്‍ തന്നെ
മാഡ്രിഡ്: ബാഴ്‌സലോണയുമായി ലയണല്‍ മെസി പുതിയ കരാറില്‍ ഒപ്പുവെക്കാന്‍ ധാരണയായി. നാല് വര്‍ഷത്തെ കരാറാണ് ബാഴ്‌സ സൂപ്പര്‍ താരത്തിന് നല്‍കുന്നത്. ഇതുപ്രകാരം 2021 വരെ മെസി നൗകാംപ് ക്ലബ്ബില്‍ തുടരും. 2018 ല്‍ കരാര്‍ അവസാനിക്കാനിരിക്കെയാണ് കാറ്റലന്‍ ക്ലബ്ബ് അര്‍ജന്റൈന്‍ ഇതിഹാസ താരത്തിന് ആകര്‍ഷകമായ മറ്റൊരു കരാര്‍ മുന്നോട്ട് വെച്ചത്. വേതനം സംബന്ധിച്ച വിവരങ്ങള്‍ പുറത്തുവിട്ടിട്ടില്ല.
ചരിത്രത്തിലെ മികച്ച ഫുട്‌ബോള്‍ താരം ബാഴ്‌സക്കൊപ്പം തുടര്‍ന്നും യാത്ര ചെയ്യാന്‍ തയ്യാറായിരിക്കുന്നു. ഇതില്‍ അതിയായ സന്തോഷമുണ്ട് – ക്ലബ്ബ് അധികൃതര്‍ പറഞ്ഞു.
ബാഴ്‌സക്കായി 583 മത്സരങ്ങളില്‍ നിന്ന് മെസി നേടിയ 507 ഗോളുകള്‍ ക്ലബ്ബ് റെക്കോര്‍ഡാണ്. 2004 ലാണ് മെസി ബാഴ്‌സയുടെ സീനിയര്‍ ടീമില്‍ അരങ്ങേറിയത്.
പതിമൂന്നാം വയസില്‍ ബാഴ്‌സയിലെത്തിയ മെസി മുപ്പതാം വയസിലും ലോകഫുട്‌ബോളിലെ പകരം വെക്കാനില്ലാത്ത പ്രതിഭാസമായി തുടരുകയാണ്. ബാഴ്‌സലോണയുമായി മെസി എട്ട് തവണയാണ് കരാര്‍ പുതുക്കിയിട്ടുള്ളത്. മറ്റൊരു താരത്തിനും ബാഴ്‌സ ഇത്രയേറെ തവണ കരാര്‍ പുതുക്കി നല്‍കിയിട്ടില്ല.
ബാല്യകാല സഖിയായ അന്റോനെല റൊകുസോയെ കഴിഞ്ഞാഴ്ച വിവാഹം ചെയ്ത മെസി മധുവിധുകാലം ആഘോഷിക്കുകയാണ്.
Latest
സ്‌കൂട്ടറിലെത്തി സ്വര്‍ണ മാല പിടിച്ചുപറിച്ചു; റെയില്‍വെ ജീവനക്കാരനുള്‍പ്പെടെ രണ്ട് പേര്‍ പിടിയില്‍
കൊവിഡ് വാക്‌സിന്‍ എന്ന വ്യാജേന വയോധികയെ വീട്ടിലെത്തി കുത്തിവെപ്പെടുത്ത സംഭവം; പ്രതി പിടിയില്‍
നിര്‍മാണത്തിലിരിക്കുന്ന വീട്ടില്‍ അജ്ഞാതന്‍ ജീവനൊടുക്കിയ നിലയില്‍
കര്‍ണാടക മഹോത്സവം സെപ്റ്റംബര്‍ 8ന് ദുബൈയില്‍
തോല്‍പ്പെട്ടിയില്‍ വന്‍ എംഡിഎംഎ വേട്ട; രണ്ട് കര്‍ണാടക സ്വദേശികള്‍ പിടിയില്‍
ഏഴാം ക്ലാസ് വിദ്യാര്‍ഥിയെ തൂങ്ങിമരിച്ച നിലയില്‍ കണ്ടെത്തിയ സംഭവം; ഒരാള്‍ അറസ്റ്റില്‍
