Gulf
ടാക്‌സി ഓണ്‍ലൈന്‍ വഴി
ദുബൈ: ആര്‍ ടി എ ഓണ്‍ലൈന്‍ ടാക്‌സി ബുക്കിംഗ് സേവനം കരീം ആപ് വഴി ആരംഭിച്ചു. പതിനായിരം കാറുകള്‍ ഓണ്‍ ലൈന്‍ സേവനം വഴി ലഭ്യമാകും. കാര്‍ ബുക്ക് ചെയ്യാനും ബുക്കിംഗിന്റെ വിവരങ്ങള്‍ അറിയാനും ആപിലൂടെ കഴിയും. ലിമോസിന്‍ സേവനത്തിനായി ആര്‍ ടി എ കരീമുമായി നേരത്തേ കരാര്‍ ഒപ്പിട്ടിരുന്നു.
4,700 വാഹനങ്ങളാണ് ഇതുപ്രകാരം ലഭ്യമായിരുന്നത്. പദ്ധതിയുടെ രണ്ടാം ഘട്ടത്തിലാണ് ടാക്‌സി ബുക്കിംഗും കരീം വഴി ലഭ്യമാക്കുന്നത്. ബുക്കിംഗ് ഡെസ്പാച് സെന്റര്‍ (നമ്പര്‍ 042080808), സ്മാര്‍ട് ടാക്‌സി ആപ്, ആര്‍ ടി എ ദുബൈ ആപ് തുടങ്ങിയവവഴി ടാക്‌സി സേവനം ലഭ്യമാക്കാന്‍ ആര്‍ ടി എ നേരത്തേ സൗകര്യമൊരുക്കിയിരുന്നു.
ഇതു കൂടാതെയാണു കരീം ആപും ഇപ്പോള്‍ രംഗത്തുവന്നിരിക്കുന്നത്. ജനങ്ങള്‍ക്കു സന്തോഷവും സന്ദര്‍ശകര്‍ക്കു പ്രീമിയം സേവനവും ലഭ്യമാക്കുകയെന്ന ലക്ഷ്യത്തോടെയാണ് ആര്‍ ടി എ ഓണ്‍ലൈന്‍ ബുക്കിംഗ് സേവനത്തില്‍ കരീം ആപും ഉള്‍പെടുത്തിയിരിക്കുന്നതെന്ന് ട്രാന്‍സ്‌പോര്‍ടേഷന്‍ സിസ്റ്റംസ് ഡയറക്ടര്‍ ആദില്‍ ശക്‌റി അറിയിച്ചു. സ്മാര്‍ട് സിറ്റി പദ്ധതിയുടെ ഭാഗമായ സ്മാര്‍ട് മൊബിലിറ്റി എന്ന ദുബൈ സര്‍ക്കാരിന്റെ ലക്ഷ്യത്തോട് ചേരുന്നതാണു പുതിയ നടപടിയെന്ന് അദ്ദേഹം പറഞ്ഞു.
Latest
പക്ഷിപ്പനി മനുഷ്യർക്ക് അപകടം വരുത്തുമോ?
തൃശൂരില് ബിജെപി വോട്ടിന് പണം നല്കിയതായി പരാതി
കല്പന സോറന് നിയമസഭയിലേക്ക് ; ഗാണ്ഡേ മണ്ഡലത്തിലെ ഉപതിരഞ്ഞെടുപ്പില് മത്സരിക്കും
കുട്ടികൾക്ക് നൽകാം, പോഷകസമൃദ്ധമായ ഇലക്കറികൾ
അധികാരത്തിലെത്തിയാല് ബിജെപി സംവരണങ്ങള് പൂര്ണമായും ഇല്ലാതാക്കുമെന്ന് രേവന്ദ് റെഡ്ഡി
തളിപ്പറമ്പില് എംഡിഎംഎയുമായി 26കാരന് പിടിയില്
