Ongoing News
അസ്‌കര്‍ മുത്താണ്
കണ്ണൂര്‍: എസ് എസ് എഫ് സാഹിത്യോത്സവിലെ പ്രതിഭ അസ്‌കര്‍ സ്‌കൂള്‍ കലോത്സവത്തിന്റെ മുത്തായി. ഹൈസ്‌കൂള്‍ വിഭാഗം മാപ്പിളപ്പാട്ട് മത്സരത്തില്‍ ഹംസനരോക്കാവിന്റെ വരികളായ “ചേദി പദം അലി ഫാലെ…” എന്നു തുടങ്ങുന്ന ഗാനമാലപിച്ചാണ് സാഹിത്യോത്സവിലെ വിജയഗാഥ സ്‌കൂള്‍ കലോത്സവത്തിലും തുടര്‍ന്നത്. മാപ്പിളപ്പാട്ടിനു പുറമെ അറബി സംഘഗാനത്തില്‍ മൂന്നാം സ്ഥാനവും അറബിഗാനത്തില്‍ എ ഗ്രേഡും നേടി. ഇനി ഇന്ന് വട്ടപ്പാട്ട് മത്സരം ബാക്കിയുണ്ട്.
തൃശൂര്‍ ജില്ലയിലെ ഐ സി ഇ എച്ച് എസ് എസ് വടക്കെകാട് സ്‌കൂളിലെ എട്ടാം ക്ലാസ് വിദ്യാര്‍ഥിയായ അസ്‌കര്‍ അഞ്ചാം ക്ലാസ് മുതല്‍ മാപ്പിളപ്പാട്ടില്‍ തുടര്‍ച്ചയായി മൂന്ന് വര്‍ഷവും തൃശൂര്‍ ജില്ലാ കലോത്സവത്തിലെ ഒന്നാം സ്ഥാനക്കാരനാണ്.
ഫൈസല്‍ ചങ്ങരക്കുളത്തിന്റെ ശിക്ഷണത്തിലാണ് അസ്‌കര്‍ നേട്ടങ്ങളുടെ ജൈത്രയാത്ര തുടരുന്നത്. അസ്‌ക്കറിന്റെ ജേഷ്ഠന്‍ അജ്മലും മികച്ച കലാകാരനാണ്. കഴിഞ്ഞ വര്‍ഷത്തെ സംസ്ഥാന സ്‌കൂള്‍ കലോത്സവത്തില്‍ വട്ടപ്പാട്ടില്‍ അജ്മല്‍ ഒന്നാം സ്ഥാനം നേടിയിരുന്നു. വിദേശത്ത് ജോലി ചെയ്യുന്ന ഷബീര്‍, ജമീല ദമ്പതികളുടെ മകനാണ്.
Latest
വിഡി സതീശന്‍ പെരുംനുണയന്‍, എല്ലാ കാര്യത്തിലും സത്യവിരുദ്ധ നിലപാട്; മന്ത്രി വി ശിവന്‍കുട്ടി
ക്ഷേമപെന്‍ഷനുകള്‍ അവകാശമല്ലെന്ന സര്‍ക്കാര്‍ നിലപാടിനെതിരെ സംസ്ഥാന ഭിന്നശേഷി കമ്മിഷണര്‍
പക്ഷിപ്പനി; പഞ്ചായത്ത് തല സമിതികള്‍ കൂടി മേല്‍നടപടികള്‍ സ്വീകരിക്കും: മന്ത്രി വീണ ജോര്‍ജ്
സൗമ്യ വിശ്വനാഥന്‍ കൊലക്കേസ്; പ്രതികള്‍ക്ക് ജാമ്യം നല്‍കിയതിനെതിരെ മാതാവ് സുപ്രീംകോടതിയില്‍
വോട്ടിംഗ് മെഷീനുകള്‍ക്ക് തകരാറുണ്ടെന്ന് വ്യാജവാര്‍ത്ത; ഓണ്‍ലൈന്‍ ചാനലിനെതിരെ കേസ്
മോര്‍ഫ് ചെയ്ത വീഡിയോ ഉണ്ടെന്ന് പറഞ്ഞിട്ടില്ല,പറഞ്ഞത് പോസ്റ്റർ പ്രചരിക്കുന്നുവെന്ന്; കെകെ ശൈലജ
